Mataio 9:36 - Te B'aib'ara

³⁶ Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mataio 9:36 ပူးပေါင်းရင်းမြစ်များ

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

2.Rongorongo 18:16

Ao e taku Mikaia, “I nanon te kaotioti I nooria tautian Iteraera aika a tiotionako, ma ni m'arua i aon taian tabuki n ai aroia tiibu aika akea aia tia kaawakini tiibu. Ao e taku te UEA, “Bon akea aia tia kairiiri te taanga ni buaka aei. A riai n okiri mwengaia ma n aki buaka.”

Itaia 13:14

A na bane ni biri nakoni mwengaia aomata nako, kaanga aron birin te ria ae e kakioaki, ao tiibu aika a uamaae nako ngkana akea te tia kaawakin tiibu.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 11:16

N na manga kariaia b'a e na tautaeka te aomata ae akea manenana n te aba aei-temanna ae e aki tabe ma uamaenakoia tiibu ke kakaaeaia aika a uarereke ke kamaiuaia aika a aoraki ke kaam'arakeaia aika a marurung. E na ti kana te tiibu ae e marikarika, n aki katuka teutana b'a ti riina.”

Warekaia Iteraera 27:17

A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

Mataio 10:6

ma, kam na nakoia Iteraera ake a tia n riki b'a kaanga tiibu aika bua.

Mataio 14:14

Ngke E aerake man te booti, ao e noriia aomata aika rangi ni m'aiti; ao E nanoangaiia, ao E kamaiuia aia aoraki.

Mataio 15:24

Ao Ngaia E kaekaia ni kangai, “I kanakoaki nakoia ti tiibu ake a bua ake Iteraera.”

Mataio 15:32

Ao Iesu E weteia ana reirei nako Ina, ao E taku nako ia, “I nanoangaia aomata aikai, b'a a mena i Rou tenibong ngkai, ao akea kanaia; ao I aki kani kanakoia ngkai a baki, b'a a kawa ni kiro i aoni kawaia.”

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.

Mareko 8:2

“Iai nanoangaia aomata i Rou, b'a ai tenibong aia bong n titiku i rarikiu, ao akea te b'ai ae a na kanna;

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 5:2

Ngkai a bati naba mamaran te ibonga ae kakannato ao bon iai ana kona n nanoangaia akana karaoi m'akuri aika kairua i bukini babangaia;