Mataio 9:33 - Te B'aib'ara

³³ Ngke e a tia ni kanakoaki te taimonio, ao e taetae teuare babanga taetae; ao a mimi aomata, ao a taku, “E tuai man nonoraki te b'ai ae ai aron aei i buakoia Iteraera!”

Mataio 9:33 ပူးပေါင်းရင်းမြစ်များ

2.Uea 5:8

Ao ni bon te tai naba are e ongo iai Eritai are te burabeti te b'ai are e riki, ao e kanakoa te rongorongo nakon uean Iteraera ae e kaangai, E aera ngkai ko rangi ni maaku? Kanakomaia te m'aane anne b'a e aonga n ataia ae iai te burabeti i aon Iteraera.”

Taian Areru 76:1

E ataaki te Atua irouia Iuta; E karineaki arana irouia Iteraera.

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Ieremia 32:20

Ko kakannato i bukin Am m'akuri aika a kamimii i Aikubita, ao Ko bon teimatoa ni karaoi i aon Iteraera ao ai uana naba n taabo nako n te aonnaba.

Mataio 8:10

Ngke E ongo taeka aikai Iesu, ao E mimi iai; ao E taku nakoia ake a iria, “E koaua ae I a tuangngkami b'a akea i buakoia Iteraera ae I kunea b'a iai ana onimaki ae korakora n aron aei.

Mataio 9:32

Ao ngke a nako uake a tia ni kamaiuaki mani matakiia, ao noria, e kairaki nakon Iesu te aomata ae babanga taetae, ae taniaki iroun te taimonio.

Mareko 2:12

Ao teuarei, e tei rake, ao e tabeka nnena ni wene n te tai naba arei, ao e oti nako i mataia te koraki akekei ni kabaneia; ma ngaia are a bane ni mimi, ao a kamoamoa te Atua ni kangai, “Ti tuai man nonora te aro aei ma rimoa!”

Ruka 11:14

E kanakoa te taimonio ae aki kona n taetae Iesu; ao ngke e nako ao e taetae teuare e bae newena; ao a mimi aomata.

Ruka 7:9

Ngke E ongo aei Iesu, ao E mimi i rouna, ao E rairaki, ao E taku nakoia aomata aika bati ake a iria, “I tuangngkami b'a akea i buakoia Iteraera ae I kunea b'a iai ana onimaki ae korakora n ai aron aei!”