Mataio 9:31 - Te B'aib'ara

³¹ Ma ngke a nako, ao a katanoata taekana nako aon te aba arei ni kabuta.

Mataio 9:31 ပူးပေါင်းရင်းမြစ်များ

Mataio 14:1

Ni boong akekei, ao e ongo rongorongon Iesu Erote are te tia tau-taeka,

Mataio 28:15

Ma ngaia are a anaa te m'ane ao a karaoa aron are a tia n tuangaki; ao te rongorongo arei, are taekaia ana reirei b'a a iraea rab'atana, e a tia ni buta nako irouia I-Iutaia ni karokoa te bong aei.

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 9:26

Ao e buta nako rongorongon te baerei i aon te aba arei.

Mareko 1:28

Ao e buta nako rongorongona nakon taabo nako ake i rarikini Kariraia.

Mareko 7:36

Ao Iesu, E tuangiia aomata b'a a na aki tuanga temanna taekan te baei; ao ngke E kabatiai ana taeka nako ia b'a a na aki tuangiia aomata, ao a kabatia riki tataekinana.

Ruka 4:14

Ao E okira Kariraia Iesu ni m'aakan ana kairiri te Tamnei are Tabu, ao e buta nako rongorongona i aoni Kariraia ao n taabo ake i rarikina.

Ruka 4:37

Ao e buta nako taekan Iesu ni kaawa ake i rarikini Kaberenaum.

Ruka 5:15

Ma e a tanoata nako riki rongorongon Iesu; ao a botaki aomata aika m'aiti b'a a na ongora ao a na kamaiuaki man aorakiia.

Ruka 7:17

Ao e buta aon Iutaia ma taabo ake i rarikina n taekana.