Mataio 9:27 - Te B'aib'ara

²⁷ Ngke E kitana ikekei Iesu, ao a ri mwina uoman te mataki, ao a takaarua ni kangai, “Natin Tawita, Ko na nanoangaira!”

Mataio 9:27 ပူးပေါင်းရင်းမြစ်များ

Mataio 1:1

Bokin araia ana bakatibu nako Iesu Kristo, are riki mairoun Tawita are riki mairoun Aberaam.

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 15:22

Ao noria, e roko te aine temanna ae te I-Kanaan man aaba akekei, ao e takarua ni kangai, “Te Uea, ae Natin Tawita! Ko na nanoangaai! E taniaki natiu te aine iroun te taimonio, ao e a rangi ni karawawataki i rouna.”

Mataio 17:15

“Te Uea, Ko na nanoangaea natiu te mm'aane! b'a iai aorakin ana iango, ao e kainano ni maraki; ni m'aitin te tai ao ai te b'aka naba n te ai, ke i nanon te ran.

Mataio 20:29

Ngke a kitana Ieriko Iesu ma ana reirei, ao a iraki irouia aomata aika rangi ni m'aiti.

Mataio 21:15

Ao a nanobuaka ibonga ake mataniwi ma taani koroboki ngke a nori baike a kamimii ake E karaoi Iesu; ao ngke a ongo b'anaaia ataei ngke a takarua i nanon te um'antabu ni kangai, E na neboaki Natin Tawita,

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Mataio 9:28

Ngke E rin n te auti, ao a roko i Rouna mataki ake uoman; ao E taku Iesu nako ia, “Kam kakoaua b'a I kona ni karaoa te baenne?” A taku nako Ina, “Eng, te Uea!”

Mareko 11:10

Te Atua, kakab'aia rokon uean te uea are Tawita, are tamara! E na neboaki te Atua!”

Mareko 9:22

A m'aiti ana tai te tamnei ae kam'ara aei ni kan tiringnga ngke e kataia n tewea nako nanon te ai ao nako nanon te ran. Ko na nanoangaira ao buokira ngkana Ko boni kona Ngkoe!”

Ruka 17:13

ao a kanenei b'anaaia ao a kangai, “Iesu ae te Tia Reirei, Ko na nanoangaira!”

Ruka 20:41

Ao Ngaia E kangai nako ia, “A kanga n taku aomata b'a te Kristo natin Tawita?

Ruka 7:21

N te tai naba arei, ao E kamaiuia aomata aika m'aiti man aorakiia aika kakaokoro, ao mairouia anti aika buakaka; ao E kanorabaia mataki aika bati.

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”

I-Rom 1:3

bon taekan Natina, are Iesu Kristo, are bungiaki n te aro n rab'ata b'a kanoan ana kariki Tawita;

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.