Mataio 9:23 - Te B'aib'ara

²³ Ngke E roko Iesu n ana auti te tia tau-taeka, ao E noriia taani katangitang i bukin te mate, ma aomata b'a a tanginiwenei,

Mataio 9:23 ပူးပေါင်းရင်းမြစ်များ

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Mataio 11:17

‘Ti katangitang nako imi, ao kam aki b'atere; ti tanginiwenei ao kam aki tang!’

Ruka 7:32

Ti te bo ngaiia ma ataei ake a tekateka n te tabo ni m'akete ao a wewete temanna nakon temanna ni kangai, “Ti katangitang nako imi, ao kam aki b'atere! ti tanginiwenei, ao kam aki tang!”

M'akuri 20:10

Ma e ruo B'auro, ao e b'akara aona n rab'atia, ao e kaangai, “Tai nanokawaki! B'a iai te maiu i rouna.”

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

Te Kaotioti 18:22

Ao aomata a na aki manga ongo i nanom tangin taian aabi, ma b'anaaia aika rabakau n anene, ma tangini b'aai ni katangitang aika kaib'ab'aa, ma tangin taiani bu; ao e na bon aki manga noraki naba i nanom te aomata ae te tia karaoi b'aai aika tamaroa mani b'aai n aekaia nako, ao ai uana naba ma karongoaan te atibu n ii b'araua.