Mataio 9:22 - Te B'aib'ara

²² E rairaki Iesu, ao ngke E nora neierei, ao E taku, “Natiu, Tai raraoma, e kamaiuko am onimaki.” Ao e kamaiuaki te aine arei n te tai naba arei.

Mataio 9:22 ပူးပေါင်းရင်းမြစ်များ

Mataio 15:28

E kaekaa ngkanne neierei Iesu ni kangai, “Neiko, e ab'ab'aki am onimaki! E na karaoaki nako im n ai aron ane ko tangiria.” Ao e a kamaiuaki natina n te tai naba arei.

Mataio 17:18

Ao E boaa te taimonio Iesu, ao e oti nako te taimonio mai rouna, ao e a maiu naba ngkekei te ataei ni mm'aane.

Mataio 8:13

E taku ngkanne Iesu nakoni mataniwin te taanga ni buaka are tebubua kaaina, “Ko na nako; ao e na karaoaki nako im n ai aron am onimaki.” Ao e a kamaiuaki ana toro n te aoa naba arei.

Mataio 9:2

Ao noria, iai aomata tabem'aang ake a uota nako Ina te aomata ae nakibaina, ae wene i aon te nne ni wene. Ngke E nori aia onimaki Iesu, ao E taku nakon te nakibaina, “Natiu, tai raraoma! A kab'araki am bure.”

Mataio 9:29

E riingi ngkanne mataia Iesu, ao E taku, “E na karaoaki nako imi n ai aron ami onimaki.”

Mareko 10:52

E taku Iesu nako ina, “Toua nako kawaim; e kamaiuko am onimaki.” E a noraba ngkekei naba, ao e irira Iesu i nanon te kawai.

Mareko 5:34

E taku Iesu nako ina, “Natiu, e kamaiuko am onimaki; naako ma te rau, ao ko na kamaiuaki man aorakim.”

Ruka 17:19

Ao E taku nako ina, “Tei rake, ao naako; e kamaiuko am onimaki.”

Ruka 18:42

Ao E taku Iesu nako ina, “Ko na noraba; e kamaiuko am onimaki.”

Ruka 7:50

Ao E taku Iesu nakon te aine arei, “E kamaiuko am onimaki; naako ma te rau.”

Ruka 8:48

Ao E taku Iesu nako ina, “Natiu, e kamaiuko am onimaki; naako ma te rau!”

Ioane 4:53

E ataia iai te tama b'a bon te aoa naba are E kaangai iai Iesu, “E na maiu natim.” Ma ngaia are, e onimaki, ao a onimaki naba kaain ana auti ni kabaneia.

M'akuri 14:9

E ongora irouni B'auro ngke e taetae; ao B'auro e katokai matana n taraia, ao e ataia b'a iai i rouna te onimaki are e konaaki ni kamaiuaki iai

M'akuri 16:18

Ao e kakaraoa aei ni boong aika bati n te aro are e a un i rouna B'auro. E rairaki, ao e kaangai nakon te tamnei are i nanon te ateiaine arei, “I tuangko n aran Iesu Kristo b'a ko na oti nako mai rouna!” Ao e a oti nako naba n te aoa arei.

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.