Mataio 9:18 - Te B'aib'ara

¹⁸ Ngke E tabe Iesu n atongi baikai nako ia, ao noria, e roko te tia tau-taeka temanna ao e katorobubua ni bobaraaki i matan Iesu ni karinea, ao e taku, “E a tib'a mate natiu te aine; ma Ko na nako mai ni kaki baim i aona, ao e a maiu naba.”

Mataio 9:18 ပူးပေါင်းရင်းမြစ်များ

2.Uea 5:11

Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Mataio 15:25

Ma neierei e roko ao e b'aka ni katorobubua ni bobaraaki i matan Iesu, ao e taku, “Te Uea, Ko na buokai!”

Mataio 17:14

Ao ngke a roko uakekei irouia aomata, ao e nako n Iesu te aomata temanna, ao e katorobubua i matana, ao e taku,

Mataio 20:20

Ao ngkanne e roko buun Tebetaio ma natina mm'aane iroun Iesu, ao e katorobubua ni bobaraaki i matana ni karinea, ao e butiia Iesu n te aro n anainano.

Mataio 28:17

Ao ngke a noria, ao a katorobubua ni bobaraaki n taromauriia; ma iai tabem'aang i buakoia aika nanokokoraki.

Mataio 8:2

Ao noria, e roko temanna ae rebera ao e katorobubua ni bobaraaki i matana ni karinea, ao e taku, “Te Uea, ngkana nanom, ao Ko kona ni kaitiakai.”

Mataio 8:25

Ao a nako Ina ana reirei ni kautia, ao a taku, “Te Uea, kamaiura; ti mate!”

Mataio 9:17

Ai aron naba te wain ae boou, b'a e aki atoaki nakoni nneia aika kunin te man, aika b'aai nikawai; b'a ngkana e atoaki nako iai, ao a na tabwena kuun ao e na waanako te wain, ao a uruaki nena; ma e atoaki te wain nakoni nena aika kunin te man, aika kuun aika boou: ao n te aro aei, e a kawakinaki raoi iai te wain ao a aki uruaki nena.”

Mataio 9:19

E tei rake Iesu, ao E airi ma ana reirei n iria.

Mataio 9:24

ao E taku nako ia, “Kam na bane n oti nako: b'a e aki mate te teeinaine, ma e matu!” Ao a ngareakinna ni kakanikoa.

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”

Ruka 18:18

Ao E titirakina Iesu temanna te tia tau-taeka, ni kangai, “Te Tia Reirei ae Ko raoiroi, tera te b'ai ae I riai ni karaoia b'a e aonga n reke i rou te maiu are aki toki iai?”

Ruka 7:2

Iai ana toro mataniwin te taanga ni buaka are tebubua kaaina, ae tangiraki i rouna. E aoraki te toro arei, n te aro are e a kani mate iai.

Ioane 11:25

E taku Iesu nakoina, “Boni Ngai te manga-maiu ao te maiu; ane onimakinai ao e na boni maiu, e ngae ngkana e a mate:

Ioane 11:32

Ao Nei Maria ngkanne, ngke e roko n te tabo are E mena iai Iesu, ao ngke e noria, ao e b'aka ni bobaraaki i rarikini waen Iesu, ao e taku nakoina, “Te Uea, ngke arona b'a Ko mena ikai, ao e na bon aki mate m'aneu.”

M'akuri 13:15

I mwin te wareware man te Tua ma burabeti, ao a kanakoa aia taeka taan taua taekan te m'aneaba nakoia B'auro ma, ae kaangai, “Mm'aane, taari, ngkana iai ami taeka ni kakorakorai naano nakoia aomata, ao kam na taetae.”

M'akuri 28:8

I nanon ara tai n tiku ikai, ao e wene tamani Boberio, b'a e taonaki n te aoraki ae te kabuebue ae roroko ni korakora, ma te bekararaa. E rin ni kawaria B'auro, ao e tataro ni katokai baina i aona, ao e kamaiuaki man aorakina.