Mataio 9:17 - Te B'aib'ara

¹⁷ Ai aron naba te wain ae boou, b'a e aki atoaki nakoni nneia aika kunin te man, aika b'aai nikawai; b'a ngkana e atoaki nako iai, ao a na tabwena kuun ao e na waanako te wain, ao a uruaki nena; ma e atoaki te wain nakoni nena aika kunin te man, aika kuun aika boou: ao n te aro aei, e a kawakinaki raoi iai te wain ao a aki uruaki nena.”

Mataio 9:17 ပူးပေါင်းရင်းမြစ်များ

Iobi 32:19

Ngkana e aki kona n reke au tai n taetae, ao N na tabwenaua n ai aron te kunniman ae nnen te wain ngkana e onrake n te wain ae boou.

Taian Areru 119:83

I a riki b'a kanga ai aroni nen te wain ae e a mangaingai ae akea bonganana; Ma I bon aki m'anuoki am Tua.

Mataio 9:16

Akea ae ituua te moti ni kunnikai ae boou i aon te ninira nikawai: b'a ane e na kui te moti ni kunnikai ae boou i mwin uatiana, ao e na kou nako man te ninira, ao e a kaab'ab'aka riki raeuakina.

Mataio 9:18

Ngke E tabe Iesu n atongi baikai nako ia, ao noria, e roko te tia tau-taeka temanna ao e katorobubua ni bobaraaki i matan Iesu ni karinea, ao e taku, “E a tib'a mate natiu te aine; ma Ko na nako mai ni kaki baim i aona, ao e a maiu naba.”

Mareko 2:22

Ao akea ae atoa te wain ae boou nako nanoni nne ni wain aika kuun aika b'ai nikawai aika kuniia maan, b'a ngkana e atoia ao te wain e na urui nne akanne; e na waanako te wain, ao a na uruaki nena: b'a te wain ae boou e riai n atoaki nako nanoni nena aika kuun aika boou aika kuniia maan.”

Ruka 5:37

Ao akea ae atoa te wain ae boou nako nanoni neia aika kuniia maan aika b'ai nikawai; ngkana e atoia, ao te wain ae boou e na uru nneia ao e na b'aro, ao a na uruaki nneia.

Ruka 5:38

Ma e riai te wain ae boou n atoaki nakoni nneni wain aika boou aika kuniia maan.

Iotua 9:4

Ma ngaia are a iangoa te iango ni kam'ane teuana ao a kanakoia m'aane ni bakaaea te uarongorongo man te tabo ae raroa kinokino. A katokai baeki aika a mangaingai i aon aia aati ma kunniman aika nnen te wain aika a b'ai ni kawai.