Mataio 8:31 - Te B'aib'ara

³¹ Ao taimonio akekei a butiia ni kangai, “Ngkana Ko kaotinakoira, ao kanakoira nako nanoia te nanai ni beeki.”

Mataio 8:31 ပူးပေါင်းရင်းမြစ်များ

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 7:6

Tai angania kamea te b'ai ae katauaki i bukin te Atua, ane a na rairaki n un nako imi; ao tai tetewe nako ami atibu aika rangi ni kakawaki nako mataia beeki, b'a a kawa n toubekaki i aani waeia.

Mataio 8:30

Iai te nanai ni beeki ae bati, aika kume n am'arake n te tabo ae aki raroa mai rouia.

Mataio 8:32

Ao Ngaia E taku nako ia, “Naako.” Ma ngaia are a oti nako, ao a nako n rin i nanoia beeki; ao noria, a bane ni biri nako beeki n toua are e rangi ni karabee nako nanon te nama, ao a mate n te ran.

Mareko 5:12

Ao taimonio a butiia Iesu ni kangai, “Kanakoira nakoia beeki, b'a ti na rin i nanoia.”

Mareko 5:7

ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”