Mataio 8:17 - Te B'aib'ara

¹⁷ B'a e na kakoroaki bukin are e atongaki iroun Itaia are te burabeti ngke e kangai, “E kamaiura mani mamarara ao e uoti nako aorakira.”

Mataio 8:17 ပူးပေါင်းရင်းမြစ်များ

Karikani B'aai 22:6

Ao e angan Itaaka taian aia i bukin te karea b'a e na uoti, ao ngaia e uota te biti ma te m'aakaro n ai i bukin kauraan te ai. Ao ngke a kaai n nakonako,

Itaia 53:4

E rawaawata ao e ri nanon te maraki ae e korakora i bukira, ma boon te rawaawata bon te katuuaeaki mai roun te Atua.

Mataio 1:22

A riki baikai ni kabane b'a a aonga ni kakoauaki ana taeka te Atua are E a tia n taekinna ngkoa te burabeti, ngke e kangai:

Mataio 2:15

ao e tiku ikekei ni karokoa maten Erote. E riki aei b'a e na kakoauaki are E atongnga te Atua iroun te burabeti, ngke E kangai, “I wetea natiu mai Aikubita.”

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Mareko 1:32

Ngke e a tairiki, ngke e a bungi taai, ao aomata a uotiia ni kabane ake a aoraki ma ake a taniaki irouia taimonio nako Ina.

Ruka 4:40

Ngke e a bungi taai, ao a bane aomata ake iai i rouia aia aoraki n uotiia nako Ina; ao E katokai baina i aon temanna ma temanna ao a kamaiuaki.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.