Mataio 7:17 - Te B'aib'ara

¹⁷ Ma ngaia ae kaai ni kabane aika maiu raoi, a kariki uaaia aika raraoi; ma kaai aika aki maiu raoi, a kariki uaaia aika bubuaka.

Mataio 7:17 ပူးပေါင်းရင်းမြစ်များ

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Mataio 7:18

E aki kona ni karika te uaa ae buakaka te kai ae maiu raoi, ao e aki kona ni karika te uaa ae raoiroi te kai ae aki maiu raoi.

I-Ebeto 5:9

b'a uaan te oota, te ataataiaomata ni kabanea, ma te raoiroi, ma te koaua,

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;