Mataio 7:15 - Te B'aib'ara

¹⁵ Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Mataio 7:15 ပူးပေါင်းရင်းမြစ်များ

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Etekiera 13:16

i bukina ngke a berita nakoia au aomata b'a e na reke te rau. Bon aei au taeka Ngai ae te UEA.

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Taniera 11:34

Ngke e bon tabe ni waaki nako te tiritiri, ao e reke buokaia teutana ana Aomata te Atua, e ngae ngkana a m'aiti i buakoia ake a iriia i bukin iangoaia i bon irouia.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Mataio 10:17

Kam na kawakiningkami mairouia aomata; b'a ane a na kateingkami i matani kabowi, ao ane a na oreingkami i nanoni m'aneabaia I-Iutaia;

Mataio 16:11

Kam aera ngkai kam aki oota n ae I aki taetae nako imi i bukin te am'arake? Kam na kawakiningkami man aia iti B'aritaio ma Tarukaio!”

Mataio 16:6

E taku Iesu nako ia, “Kam na tarataraingkami ao kawakiningkami man aia iti B'aritaio ma Tarukaio.”

Mataio 24:11

Ao ane a na teirake burabeti ni kewe aika bati, ao ane a na burebureia aomata aika bati.

Mataio 7:14

B'a e wariki te mataroa, ao e irariki te kawai are nako n te maiu, ao a karako akana kunea te kawai anne.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 6:26

A na reke kaimi, ngkana a bane aomata ni kamoamoaingkami, b'a a karaoa naba aron aei aia bakatibu nakoia burabeti ni kewe.

Ioane 10:12

Te aomata ane kaboaki ana m'akuri, ane tiaki te tia kawakin tiibu ao tiaki ana man tiibu, ngkana e nora te man ae tiritiri b'a e roko, ao e biri nako ni kitaniia tiibu; e rawea temanna te tiibu te man are tiritiri n tenaia, ao e kauamaaei ake nikiraia.

M'akuri 13:40

Ma ngaia ae kam na tarataraingkami, b'a e kaawa n roko i aomi te baere atongaki irouia burabeti, ae e kaangai taekana

M'akuri 13:6

A kabuta aon te abam'akoro arei ao a toki i Babo, ike a kaitibo iai ma te tia tabunea ae arana Barietu. Bon te I-Iutaia ngaia, ae te burabeti ni kewe.

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

I-Biribi 3:2

Kam na kawakiningkami mairouia te koraki aika karaoi baika bubuaka, aika te koraki aika ai aroia kamea, aika tangira te rab'ata b'a e na kaikoakaki ni korokoreaki.

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

2.Betero 3:17

Ma ngaia aei, ngkami aika kam tangiraki, ngkai kam a kaman atai baikai, ngkai a tuai n roko, ao kam na tarataraingkami b'a kam kaawa ni b'aka man teimatoami n anaakin nanomi n aia bure akana buakaka.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 16:13

Ao I nooriia tamnei aika teniman aika kam'ara aika ai aroia biraoki, b'a a oti nako mai wiin te rakon, ao mai wiin te man arei, ao mai wiin te burabeti ni kewe arei:

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.