Mataio 7:1 - Te B'aib'ara

¹ Tai motiki taekaia aomata ni kabuakakaia, b'a E kawa ni motikaki taekami ni kabuakakaki iroun te Atua.

Mataio 7:1 ပူးပေါင်းရင်းမြစ်များ

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Mataio 7:5

Te tia m'am'ana-te-aba, ko na kaki moa te oka ane i nanoni matam, ao ko a tib'a kona te nora raoi kanakoan te maange ae uarereke mai nanoni matan tarim.

Ruka 6:37

“Kam na tai motiki taekaia aomata, ao ane e na aki motikaki taekami iroun te Atua; kam na aki kabuakakaia aomata, ao ane na bon aki naba kabuakakako te Atua; b'aina te kab'arabure, ao ane a na kab'araki am bure iroun te Atua.

Ruka 6:41

E aera b'a ko nora te maange ae moan te uarereke i nanoni matan tarim, ao ko aki nora te oka ane i nanoni matam?

Ioane 8:7

Ngke a aki toki n titirakinna, ao E teirake, ao E taku nakoia, “Ane tuai meni bure i buakomi, ao e na karea moa neiei n te atibu!”

Iakobo 3:1

Tariu, kam na tai riki b'a taan reirei aika bati, ngkai ti ataia b'a ngaira aika taan reirei e na reke iroura motikan taekara ae rawawata riki.