Mataio 6:33 - Te B'aib'ara

³³ Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Mataio 6:33 ပူးပေါင်းရင်းမြစ်များ

1.Uea 17:13

Ao e taku Eria, A na bon nakoraoi b'aai ni kabane. Ko na karaoa ane ko a tia n taekinna. Okira mwengam ao kuukana kanam ma natim. Ma ko na karekea moa kanau te kariki ae e uarereke ao uotia mai.

Taian Areru 112:3

A na rangi ni kaub'ai man tetekeraoi, ao ana bon aki kona ni m'anuokaki i bukin aroia aika raraoi.

Taian Areru 37:25

I a kara ngkai; I a tia ni maiu n te tai ae ananau, Ma I tuai n nora te aomata ae e raoiroi ni kitanaki iroun te UEA, Ke n noriia natina b'a a bubuti kanaia.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taeka n Rabakau 10:3

Ngkana kam ongotaeka iroun te UEA ao kam na bon aki konaa ni baki, ao ngkana kam buakaka, ao e na bon aki anganiko te Atua te b'ai ae kam tangiria

Taeka n Rabakau 28:10

Ngkana ko kairiia aomata aika a raoiroi nakon te bure, ao ko boni kena iai te m'anono bon i bukim, ma akana a raoiroi maiuia a na raneanea aia bong aika a na roko.

Taeka n Rabakau 8:18

I konaa ni karikiko b'a te kaub'ai ma n rangi ni kinaaki, mani kakannato ao n teetekeraoi.

Te Minita 10:2

E kairiko te iango raoi nakoni karaoan te raoiroi; ao e kairiko te iango n nanobaba nakoni karaoan te kaairua.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 19:29

Ao ane e a tia ni kitana mwengana, ke tarina, ke m'anena, ke tamana, ke tinana, ke natina, ke abana i buku, ao e na karekei kaka tebubua riki m'aitini baike e a tia ni kitan, ao e na reke i rouna te maiu are aki toki.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ruka 12:31

Ma kam na ukoukora ueana, ao e na raonaki ni baikai nako imi.

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

M'akuri 28:31

E tataekina Uean te Atua, ao e reirei taekan te UEA are Iesu Kristo n aki mamaku, ma n aki tutukaki.

I-Rom 1:17

B'a e kaotaki n te euangkerio aron te Atua ni kaeti aroia aomata nakoina n te onimaki, ni moa man rekena i rouia ni karokoa tokina: n ai aron are koreaki ni kaangai: “E na maiu ane e kaetaki arona n reitaki ma te Atua n te onimaki.”

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 3:22

B'a tao B'auro, ke Aboro, ke Keeb'a, ke aonnaba, ke te maiu, ke te mate, ke baika boou, ke baika na roko; ami b'ai ni kabane baikai,

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

2.I-Tetaronike 1:5

E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

2.Betero 1:11

N te aro aei, ao kam na anganaki ni kabatiaki te kona n rin n uean ara Uea ao ara Tia Kamaiu are Iesu Kristo, are ueana are aki toki.