Mataio 6:25 - Te B'aib'ara

²⁵ Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Mataio 6:25 ပူးပေါင်းရင်းမြစ်များ

Taian Areru 55:22

Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Mataio 10:19

Ngkana a kateingkami, ao tai katabei nanomi n iangoi aromi b'a kam na kanga n taetae, ke tera ae kam na taekinna; b'a ane kam na anganaki baike kam na taekin n te aoa naba arei.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 6:31

Ma ngaia ae tai iango n raraoma, ni kangai, “Tera karara? ao, tera nimara? ao, tera karabaara?”

Mataio 6:34

Ma ngaia ae kam na tai iango n raraoma i bukin te ingabong b'a tera ae na riki iai: b'a e na bon iangoa arona te ingabong n raraomaeakinna. E a tau ana b'ai ni kararaoma te bong ae te bongina ngkana bon ana b'ai.

Mareko 13:11

Ngkana kam tauaki ao kam kateaki i matan te kabowi, ao tai katabei moa nanomi n iangoi taeka ake kam na taekin; b'a ngkana e a roko taina, ao kam na atong taeka ake kam na anganaki. B'a taeka ake kam na atong, a aki nako mai roumi; a nako mairoun te Tamnei are Raoiroi.

Mareko 4:19

ma iango n raraoma nako i bukin te maiu aei, ao tangiran taiani kaub'ai ma b'aai nako aika kamataaia te aba, a karib'ab'aa te taeka, ao e aki kariki uaa.

Ruka 12:11

Ngkana a katikingkami nako mataia akana botaki ni m'aneabaia I-Iutaia ao nakoia taan tautaeka ma uea, ao tai raraoma n are kam na taekin b'a a kanga ami kaeka, ke a na tera are kam na atong;

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

1.I-Korinto 7:32

Ma I tangiringkami b'a kam na aki iango n raraoma. Te mm'aane ae aki mareaki e iangoa aron te Uea, b'a e na iranna ni kakukureia;

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

2.Timoteo 2:4

Akea te tautia ae katabeianga ni m'akuri riki tabeua ngkai e tabe ma ana m'akuri n tautia, b'a e aonga ni kakukureia ana mataniwi are korea arana b'a e na tautia.

1.Betero 5:7

Kam na kaaki i aona baika kam raraomaeakin, b'a E tabeakiningkami.