Mataio 6:19 - Te B'aib'ara

¹⁹ Tai kaiko ami b'ai aika kakawaki i aonnaba, ike e kangi b'aai iai te koa ma te raraa, ao a ururu ma n irae iai taan ira;

Mataio 6:19 ပူးပေါင်းရင်းမြစ်များ

Iobi 24:16

A nini auti taani kimoa n te tairiki, ao a karabaia n te ngaina ni b'angaia i nanon te tabo ae akea te oota iai.

Iobi 31:24

I bon tuai man onimakina te kaub'ai;

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Te Otinako 22:2

Ma ngkana ko aki konaa ni kabooa mwiina n te man, ko na kabooaki nako b'a te toro ngkoe i bukin te b'ai are ko a tia n iraea.

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 16:16

E rangi n raoiroi b'a kam na wanawana ma ni iango raoi nakon ae kam na kaub'ai.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Mataio 19:21

E taku Iesu nako ina, “Ngkana ko kan riki ni moan te raoiroi, ao ko na nako ni kabo nako am b'ai akana iai i roum, ao booia, anganiia akana akea aia b'ai, ao ane na reke i roum iai am b'ai i karawa. Ao nako mai, irirai.”

Mataio 6:20

Ma kam na kaiko ami b'ai aika kakawaki i karawa, ike e aki kangi b'aai iai te koa ma te raraa, ao a aki uru-b'ai ma n irae iai taan ira;

Ruka 12:21

“Anne aron te bae na riki nakon te aomata ae kaiko b'aai i bukina ngke e ataaki iroun te Atua b'a e aki kaub'ai.”

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 12:39

Ma kam na ata aei, b'a ngke arona b'a te aomata are ana auti te auti e a kaman ata te aoa are e na roko iai te tia iraa, ao e na kamarurungnga n tantani b'a e na aki karekea ana tai te tia iraa n urua oon te auti b'a e na rin.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 18:24

E taraia Iesu ao E taku, “Ai kanganga ra irouia aomata akana kaub'ai b'a a na rin n uean te Atua!

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”