Mataio 6:13 - Te B'aib'ara

¹³ Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Mataio 6:13 ပူးပေါင်းရင်းမြစ်များ

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

1.Uea 1:36

Ao e kaeka Benaia ni kaangai, “Ti na karaoa anne, te uea ae ko karineaki. Bon au tataro b'a E na kakororaoia te UEA ae Atuam.”

1.Rongorongo 16:36

Te UEA ae Atuan Iteraera, ko bon riai n neboaki n aki totoki.” I mwiin banen ana anene Tawita, ao a takaarua aomata ni kaangai, “Amen, Neboa te UEA!”

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

Taian Areru 10:16

Te UEA bon te King n aki tootoki. A na bane ni kiitana abaia aomata ake a toro irouia atua tabem'aang.

Taian Areru 106:48

E na karaoiroaki te UEA ae Atuaia Iteraera, kamoamoaa ngkai ao n aki toki! Ao ke a bane aomata ni kaangai, “Amen!” Kamoamoaa te UEA!

Taian Areru 22:28

Bon te king te UEA, ao E tautaeka i aoia botannaomata.

Taian Areru 41:13

E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!

Taian Areru 47:2

B'a E kakamaaku te UEA are Moan te Rietaata; bon te uea ae kakannato, e tautaeka i aonnaba.

Taian Areru 47:7

B'a bon Uean aonnaba ni bane te Atua; Kam na anenea te anene i bukini karaoiroana.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 89:52

Kam na neboa te UEA n aki toki! Amen! Amen!

Te Otinako 15:18

Te UEA Ko na riki b'a te UEA n aki toki.”

Taeka n Rabakau 30:8

Ko na karikai b'a te aomata ae e raoiroi ao ko na aki karikai b'a te aomata ae e rangi ni maiu ni kainano ke n rangini maiu ni kaub'ai. Ko na ti anganai baika I kainanoi.

Ieremia 15:21

ngkana a buakaniko. Bon aei au taeka Ngai ae te UEA.

Ieremia 28:6

Anania, Au kaantaninga b'a E na karaoa raoi ane ko taekinna te UEA. Au kaantaninga b'a E na kaoki b'aai ni kabane ake a uoti nako kaain B'aburon man te Tembora, n te aro are a na kariaiakaki n okira mwengaia ara aomata ake a uotaki ngkoa nako B'aburon.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 7:18

Ao e na reke irouia ana Aomata te Atua ae Moan te M'aaka te nakoa ni uea anne, ao a na b'ainna n aki toki.

Warekaia Iteraera 5:22

Ao i mwiina, e na kaangai te ainenum'a, “E na koro bukin am taeka aika ko taekin, ngkana I a bon tia ni bure.”

Mataio 26:41

Kamarurungngkami n taratara, ao tataro b'a kam aonga n aki b'aka nakon te kariri; e konamaki te tamnei, ma e mamara te iriko.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mataio 5:37

Ma are kam na taekinna, e na ti kangai, ‘Eng’ ke ‘Tiaki,’ ma ngkana a raka am taeka i aon aikai ao a nako mairoun teuare buakaka.

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Ioane 17:15

I aki tataro b'a Ko na uotiia nako mai aon te aba, ma I tataro b'a Ko na kawakinia mairoun teuare buakaka.

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

2.I-Korinto 1:20

B'a boni Ngaia te “Eng” nakon ana taeka n akoi ni kabane te Atua; ao i Rouna naba te “Amen” are ti neboa iai te Atua.

I-Karatia 1:4

are anga Ngaia i bukin ara bure, b'a E aonga ni kamaiura mai aon te aba ae buakaka aei, n ai aron nanon Atuara ae Tamara,

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 19:4

Ao a katorobubua ni bobaraaki unimm'aane ake uangauni ma aman ma baike a maiu ake aman, ao a taromauria te Atua are tekateka i aon te kaintokanuea, ao a kaangai, “Amen! Neboa te Atua!”

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua:

Te Kaotioti 5:13

Ao I ongo b'anaani baika karikaki ni kabane ake i karawa, ao i aonnaba, ao i aantano, ao ake i marawa, ma baike i nanoia ni kabane, b'a a kaangai: “Ana b'ai te Tiibuteteei ma Teuare tekateka i aon te kaintokanuea te karaoiroaki, ma te karineaki, ma te neboaki, ma te tautaeka, n aki totoki!”