Mataio 5:45 - Te B'aib'ara

⁴⁵ b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Mataio 5:45 ပူးပေါင်းရင်းမြစ်များ

Iobi 25:3

Iai ae kona ni warekia Ana anera ake a m'akuri i Rouna? Iai te tabo ae aki roko iai Ana oota te Atua?

Taian Areru 145:9

E raoiroi te UEA ao E nanoanga nakoia aomata ma b'aai ni kabane aika E kariki.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Mataio 5:9

A a kab'aia taan raoi, b'a a na atongaki b'a natin te Atua.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

Ioane 13:35

Ngkana kam b'aina te i tangitangiri, ao ane a na ataingkami iai aomata ni kabaneia b'a au reirei ngkami.”

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

I-Ebeto 5:1

Ma ngaia ae kam na kakairi iroun te Atua, n ai aroia ataei aika tangiraki;

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

1.Ioane 3:9

Ane bungiaki mairoun te Atua ao e aki karaoa ae bure, b'a e memena anuan te Atua i nanona; ao e aki kona ni bure, b'a e bungiaki mairoun te Atua.