Mataio 5:39 - Te B'aib'ara

³⁹ ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

Mataio 5:39 ပူးပေါင်းရင်းမြစ်များ

1.Uea 22:24

Ao e keerake Tetekia nakon Mikaia ao e orea ubuna ao e titirakinna ni kaangai, “N na am iango E ti taetae te UEA nakoim ao E aki taetae nako iu?”

Iobi 16:10

A bane n ureki reben mataia aomata nako Iu, ao a katobibiai ma n orotabaai.

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Taeka n Rabakau 24:29

ke ni kaangai nakon temanna, “N na kaboraoai ma ngkoe!”

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

B'aeb'aeti 3:30

Ti na kariaia te kab'ainrangaki ma te oreaki.

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Mika 5:1

Bootia am taanga ni buaka ngkoe ae Ierutarem, b'a ko a katobibiaki irouia am kairiribai. A tia ni buakana Iteraera, ao a orea taban te Tia Tautaeka n te kai.

Mataio 5:40

ao ngkana iai ane kani kateiko i matan te tia moti b'a ko aonga n anganna am kabaraki, ao ko na manga anganna naba niniram.

Ruka 22:64

A kabaei naba matana n rabuni, ao a titirakinna, ni kangai, “Kaotia; antai ae oreiko?”

Ruka 6:7

A taratara Iesu taani koroboki ma B'aritaio, b'a tao E na karaoa te m'akuri ni kamaiu n te Taabati ke E na aki, b'a a kani karekea kabuakakana.

Ioane 18:23

E kaekaa Iesu ao E taku, “Ngkana e bure au taeka, ao kaotia b'a tera burena; ma ngkana akea buren au taeka, ao bukin tera ngkai ko oreai?”

1.I-Korinto 6:7

Ngkana e koaua b'a bon iai tangin temanna i bukin temanna, ao kaotana ngkanne b'a iai kab'akami. Kam aera ngkai kam aki kataua te m'akuri ae buakaka ae karaoaki nako imi? Kam aera ngkai kam aki katau m'am'anakimi?

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.