Mataio 5:25 - Te B'aib'ara

²⁵ Ko na bareiko n raoiakina te aomata are na uota taekam nakon te kabowi n te tai are ko mena iai ma ngaia i aoni kawaimi nakon te kabowi, b'a e kawa n anga ngkoe nakon te tia motikitaeka, ao e kawa te tia motikitaeka n anga ngkoe nakon te bureitiman, ao ko kawa ni kakiaki i nanon te karabuuti.

Mataio 5:25 ပူးပေါင်းရင်းမြစ်များ

Iobi 22:21

Iobi, Ko riai ngkai n ioki ma te Atua, ma ni katoki arom nako Ina aika ai aron ana m'akuri te kairiribai; b'a ngkana ko karaoa aei, ao E na kakab'aiako.

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taeka n Rabakau 25:8

i m'aain ae ko katea temanna n te bowi, b'a ko rawa ni konaaki ao ko kamaamaaeaki.

Mataio 26:58

Ma e ririmwin Iesu Betero n taua raroana ni karokoa te tabo are e aki bono aona i nukan ana auti mataniwiia ibonga, ao e rin n tekateka ma bureitiman b'a e na noria b'a tera ae na riki n tokina.

Ruka 18:3

Ao iai temanna te aine ae e mate buuna n te kawa arei, ae e aki toki n roroko iroun te tia moti, ni bubuti buokana, ni kangai, ‘Buokai mairoun au kairiribai!’

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

Ebera 12:17

Kam ataia b'a i mwina, ngke e kani karekea ana taeka ni kakab'aia tamana, ao e ribaaki; b'a akea te anga ae e na kona iai ni bita aron are e a tia ni karaoia, e boni ngae ngke e ukoukoria ma te tang.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Ebera 3:7

Ma ngaia aei, n ai aron ana taeka te Tamnei are Raoiroi, ae kangai: “Ngkana kam ongo b'anaan te Atua n te bong aei,