Mataio 5:23 - Te B'aib'ara

²³ Ma ngaia aei, ngkana ko nang anga am karea nakon te Atua n te baonikarea, ao ngkana ko uringa tarim iai b'a e un i roum i bukin te b'ai ae ko a tia ni karaoia,

Mataio 5:23 ပူးပေါင်းရင်းမြစ်များ

Karikani B'aai 41:9

Ao e a taku te tia uouota ana wain te uea nakon te uea, “N nang bon kab'ara moa au bure b'a I bon riai ni kaman kaongoko.

1.Uea 2:44

I taku b'a ko bon atai b'aai aika a buakaka ake ko a tia ni karaoi nakon tamau are Tawita. Ao ngkai E nang katuaaeko te UEA i bukin te b'ai are ko a tia ni karaoia.

B'aeb'aeti 3:20

E aki kona ni bua uringana, ao e riki b'a korakain tamneiu.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Mataio 23:19

Aomata ngkami aika kam mataki! B'a e nga ae kakawaki riki, te karea ke te baonikarea are ngaia ae e riki n tabu iai te karea?

Mataio 5:24

ao ko na kitana am karea iai i rarikin te baonikarea ao naako; karekea moa te raoi ma tarim, ao rimwi ko na oki n anga am karea.

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 11:25

Ao ngkana kam tei n tataro, ao kab'ara buren are titiku i nanomi are e a tia n riki b'a ekakinakoan temanna iai i roumi, b'a E aonga Tamami are i karawa ni kab'arai ami bure aika kam a tia ni karaoi.

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.