Mataio 5:22 - Te B'aib'ara

²² ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mataio 5:22 ပူးပေါင်းရင်းမြစ်များ

Karikani B'aai 37:4

Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

Karikani B'aai 37:8

Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

2.Tamuera 16:7

E tatakarua Timei nakon Tawita ni kaangai, “Naako mai ikai, ngkoe ae te tia tiritiri! Bon akea manenam,

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

1.Uea 21:4

Ao e a okira mwengana Aaba ma te marakinnano ao te rawawatannano i bukin ana taeka Naabota ake e taekin nakoina. E wene i aon ana kainiwene ni kaaitaraa te o ma n rawa n am'arake.

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 19:5

E anganiia taani motikitaeka tabeia n taian kaawa ake a buubura ake a nonoaki i Iuta n tatabeua nako

Neemia 5:8

ni kaangai, “Ti a tia ni kataia ni kabooia ni kaokiia ara aomata ake a kaboaki nako nakon te kataenikaiaki. Ma ngaia are ai ngkami aikai, aika kam a manga kabooi nako riki tabeman b'a ti aonga ni manga kabooia ni kaokiia!” Bon akea te b'ai ae a taekinna taiani mataniwi ao taani kairiiri, i bukina b'a a bon ataia b'a e bon koaua.

Taian Areru 109:3

Ao a taetae ni kaota ribakiu i rouia akea bukin uniia irou.

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 35:19

Tai kariaia taan ribaai, ake taani kewe, b'a a na ngareakinai; Ao a na tai katou mataia aiau akana akea bukin riribaakiu irouia.

Taian Areru 37:8

Tai bono n nano ke n un; B'a e kona ni kairiko nakon karaoan ae buakaka.

Taian Areru 49:10

Ti kakoaua b'a a mate naba aomata aika wanawana; Ai aroia naba aomata aika nanobaba mani bangab'ai b'a a mate ao a tiku aia b'ai i mwiia nakoia aia bakatibu.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Taian Areru 7:4

I tuai kam'anea raoraou ke ni iowawa nakon au kairiribai n akea bukina.

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 18:6

E na kairiko nakon te kangaanga te taetae n nanobaba.

Ieremia 17:11

Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

B'aeb'aeti 3:52

Bon akea bukin ribaakiu irouia aomata nako, ma I kam'aneaki kaanga te mannikiba.

Taniera 3:13

Ao e rangi n un te uea n te b'ai arei, ao e kanaanako b'a a na kawaekoaaki uake teniman akekei nako matana.

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Ob'aria 1:10

“Akea tokin kamamaeam ma uruam Etom i bukina ngkai ko a tia ni iraeia ma n tiringa tarim ae kanoan Iakob'a, ko na bon kamaunanakoaki n aki toki.

Ob'aria 1:12

Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

Mataio 10:17

Kam na kawakiningkami mairouia aomata; b'a ane a na kateingkami i matani kabowi, ao ane a na oreingkami i nanoni m'aneabaia I-Iutaia;

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 18:21

Ao e roko ngkanne Betero iroun Iesu ao e taku, “Te Uea, m'aitira ana tai ni bure tariu nako iu ae N na kab'ara ana bure iai? Itiua te tai?”

Mataio 18:35

Ao anne naba aron are E na karaoia nako imi Tamau are i karawa ngkana kam aki kab'ara aia bure tarimi mai nanomi.

Mataio 23:15

A na reke kaimi, taani koroboki ma B'aritaio, aika taani m'am'ana-te-aba! B'a kam ri nanoni marawa ao kam ri aon te aba b'a kam na anaa nanon te aomata nakon ami koaua; ao ngkana e reke, ao kam karaoa ae e na reke iai uoua aron taun teuanne n riki b'a kaaini Keenna n ai aromi.

Mataio 23:33

Ngkami aika naeta, aika buniia naeta aika kamamate, kam na kanga ni kamaiungkami mani motikan taekami are kam na karawawataki iai i Keenna?

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 26:59

Ao ibonga ake mataniwi ma kaain te Tanirim ni kabaneia a ukoukora bukinan Iesu aika aki koaua, b'a a na kamatea;

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mataio 5:34

Ma Ngai I taku nako imi, Tai tuea naba teutana. Tai m'anewea arani karawa ngkana ko tuea, b'a nnen te Atua ae tautaeka iai;

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Mareko 14:55

Ao ibonga ake a kakannato ma kaain te Tanirim ni kabanea, a ukoukora bukinan Iesu b'a a na kamatea; ma akea ae reke i rouia.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

Ruka 22:66

Ngke e a ngaina, ao a botaki aia unimm'aane aomata ma aia mataniwi ibonga ao taani koroboki; ao a kaira Iesu nakon aia kabowi, ao a kangai,

Ioane 11:47

Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

Ioane 7:20

A kaeka aomata ao a taku, “Iai iroum te burababa; antai ae ukoukora kamateam?”

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 22:30

Ngke e a ingabong, ao e kan ata koauani bukin are e bukinaki iai B'auro irouia I-Iutaia teuare aia mataniwi tautia; ma ngaia are e kab'araa B'auro, ao e tuangiia ibonga ake mataniwi ma kaain te Tanirim ni kabaneia b'a a na botaki; ao e kaira rio B'auro, ao e kaaki i mataia.

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

M'akuri 24:20

Ma ngkai a aki mena ikai, ao ke a taetae te koraki aei b'a tera au bure are a kunea ngke I tei i mataia kaain te Tanirim

M'akuri 4:15

A tuangaki ngkanne Betero ma Ioane b'a a na oti nako man te kabowi, ao a tiku kaain te kabowi ni maroroo ao a kaangai.

M'akuri 5:21

Ao ngke a tia n ongo aei, ao a rin n te Tembora, ngke e a tib'a moa n ingabong, ao a reirei iai. Ao e roko aia mataniwi ibonga ma raona nako, ao a weteia aia unimm'aane tibun Iteraera i bukini karaoan aia kabowi are te Tanirim, ao a kanaanako nakon te karabuuti b'a a na kairaki taan tuatua nakoia.

M'akuri 5:27

Ao ngke a roko, ao a kateia i matan te Tanirim. Ao e kaekaia aia mataniwi ibonga ni kaangai,

M'akuri 6:12

A kauniia aomata, ma unim'aane, ma taani koroboki, ao a taua Tetebano ma te matoa, ni kairia nakon te Tanirim;

M'akuri 6:15

Ao a bane ake a tekateka n te Tanirim ni katoka mataia n tara Tetebano, ao a nora matana b'a kanga ai aron taraani matan te anera.

M'akuri 7:37

Boni Mote aei, are kaangai nakoia tibun Iteraera, “Ane E na kateirakea temanna te Atua mai buakoia tarimi b'a te burabeti nakoimi, n ai aron are E karaoia nako iu.”

I-Rom 12:10

Kam na i tangitangiri n ai aroia taari, ao tai tab'ara ni kaota aron te ikarinerine.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

1.I-Korinto 6:6

nakon ae e uota tangina anne nakon te kabowi ao e tei ma te aomata are e tang i bukina, b'a e na motikaki taekana irouia aomata aika tiaki kaain te ekaretia?

Te Tua-Kaua 15:11

Ane a na bon iai n taai nako tabeman Iteraera aika kainano ma n tangira buokaia. Ao bon anne bukina ngkai I mwiokoingkami b'a kam na tituaraoi nakoia.

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

Tito 3:2

a na tai taetae ni kabuakaka temanna, a na tai unun, a na taotaon nanoia, a na kaota te aro n nimamannei ni kabanea nakoia aomata ni kabaneia.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

Iakobo 2:20

Te aomata ae ko baba! Ko tangira ae na kaotaki nako im b'a te onimaki are akea ana m'akuri e aki manena?

Iakobo 3:6

Ao te newe ai aron te ai. B'a te newe kanga te aonnaba ae on n te buakaka i buakoni b'ain rab'atara nako; e kam'araea te rab'ata ni kabane, ao kanga e kaurarakea maiura ae b'anin n uran te ai mai Keenna.

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

1.Ioane 2:9

Ane taku b'a e mena n te oota, ma e ribaa tarina, ao e mena n te roo ni karokoa ngkai.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

Iuta 1:9

Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)