Mataio 5:20 - Te B'aib'ara

²⁰ B'a I taku nako imi b'a ngkami kam aki kakororaoa riki nanon te Atua nakon are a karaoia taani koroboki ma B'aritaio, ao kam aki kona n rin n Uean te Atua.

Mataio 5:20 ပူးပေါင်းရင်းမြစ်များ

Mataio 16:12

A ataia ngkanne b'a E aki tuangiia b'a a na kawakinia man te iti are b'ain te kariki, ma a na kawakinia man aia reirei B'aritaio ma Tarukaio.

Mataio 18:5

Ane m'anea n akoa te teei ae ai aron aei, n arau, ao e m'aneai n akoai.

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Mareko 10:25

E rangi ni kanganga riki iroun te aomata ae kaub'ai b'a e na rin n Uean te Atua nakon te kamero ngkana e na rin i nanoni b'angab'angan te neiran.”

Ruka 11:44

A na reke kaimi! B'a kanga ai aroni neia maate ngkami ake a aki noraki; a nakonako i aoia aomata b'a a aki ataia.

Ruka 12:1

Ao ngkekei naba, ngke a botaki aomata aika rangi ni m'aiti n te aro are a rangi n i rib'arib'a, ao E taku Iesu nakoia moa ana reirei: Kawakiningkami man aia iiti B'aritaio are te m'am'ana-te-aba.

Ruka 18:17

E koaua ae I tuangngkami, b'a ane aki butim'aea Uean te Atua n ai aron te teei ae uarereke, ao e na bon aki kona n rin iai.”

2.I-Korinto 3:9

B'a ngkana iai mimitongin te m'akuri ni kabuakaka, ao ai m'aiti ra riki mimitongin te m'akuri i bukini karaoan nanon te Atua.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.