Mataio 5:15 - Te B'aib'ara

¹⁵ Ao a aki kaura te taura aomata ni kaki i aan te b'aketi, ma a kaki i aoni nena; ao e nako ootana nakoia aomata ni kabaneia ake n te auti.

Mataio 5:15 ပူးပေါင်းရင်းမြစ်များ

Te Otinako 25:37

E na oota te taura are te kabanea mai i eta ao ake i aon tabon m'aanga ake itiua n tatabeua nako i moan te kaintei.

Tekaria 4:2

Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

Warekaia Iteraera 8:2

“Ko na tuanga Aaron b'a e na katokai taura ake koora i aon kaintein te taura b'a aonga n oota nako mooa.”

Mareko 4:21

Ao E taku Iesu nako ia, “E uotaki mai te taura b'a e na kakiaki i aan te b'aketi ke i aan te kai ni wene? Tiaki b'a e na katokaki i aoni nena?

Ruka 11:33

Akea ane kaura te taura ni kaaki n te tabo ae raba i nanon te auti ke i aan te b'aketi, ma e kaaki i aoni nena, b'a a aonga n nora te oota aomata ake a rin.

Ruka 11:36

Ngkana arona ngkanne b'a e buta rab'atam ni kabane n te oota n akea maiai ae e roo, ao e na tab'anin raoi ootana, n ai aron uran te taura ae anganiko ootana.

Ruka 8:16

Akea ane kaura te taura ao e rabunna n te b'aketi, ke e kaaki i aan te kainiwene, ma e katokaa i aoni nena, b'a e aonga n noraki ootana irouia aomata ake a rin.

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.