Mataio 5:14 - Te B'aib'ara

¹⁴ Ai aron ootan te aonnaba ngkami. E aki kona n raba te kawa ae kateaki i aon te maunga.

Mataio 5:14 ပူးပေါင်းရင်းမြစ်များ

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Etekiera 5:5

Bon te UEA ae te Atua Ngai, ao I a tia ni karaoa Ierutarem b'a te tabo ae te kabanea ni kakannato n te aonnaba, ao a na bane ni mimiakinna botannaomata nako.

Ioane 12:36

Ngkai iai te oota iroumi, ao kam na onimakinna, b'a kam aonga n riki b'a natin te oota.” Ngke E a tia n atongi baikai Iesu, ao E nako ni karaba mai rouia.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Ioane 9:5

Ngkai I mena i aonnaba, ao te oota Ngai i bukin aonnaba.”

2.I-Korinto 6:14

Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

1.I-Tetaronike 5:5

b'a natin te oota ngkami ni kabaneingkami, ao natin naba te ngaina. Tiaki ana b'ai te bong ma te roo ngaira.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.