Mataio 5:12 - Te B'aib'ara

¹² B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Mataio 5:12 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

1.Uea 18:13

Boni ngai naba are I karabaia tebubua ana burabeti te UEA n te nangananga ni b'a ngke e kataia Nei Ietebera n tiringiia. I bon anganganiia naba kanaia ma nimaia.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 19:2

Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 1:9

Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria. E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 19:11

A karekea te atatai nako iu, ngai ae am Toro; ao e reke kab'aiau n iran nanoia.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Ieremia 37:14

Ao I kaeka ni kaangai, “Kai I aki kataia n raoniia!” Ma e aki kan ongo Iriia, ao e anaai nako ia ana mataniwi te uea.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 6:16

Ngkana kam aki mamatam, ao tai mata ni kananoanga n ai aroia taani m'am'ana-te-aba: b'a a katarabuakai ubuia b'a e aonga n noraki aia aki-mamatam irouia aomata. E koaua ae I a tuangngkami b'a e a tia n reke i irouia booia mani mwin aia m'akuri.

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ruka 6:23

Kam na kim'areirei n te bong arei, ao kam na kibakiba rake ni kukurei, b'a noria, a bati kaniwangami i karawa aika kam na anganaki mairoun te Atua; b'a a karaoi naba baikai aia bakatibu nakoia aia burabeti.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

I-Rom 5:3

Ao tiaki ti aei, ma ti kakatonga n taian rawawata aika ti taonaki iai, ngkai ti ata te rawawata b'a e karika taotaonan te nano;

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Biribi 1:29

B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

I-Korote 3:24

ngkai kam ata te UEA b'a E nang anganingkami b'a boon ami m'akuri te baere E a tia ni kawakinna i bukiia ana aomata. B'a Kristo boni Ngaia te Toka ni koaua are kam toro i Rouna.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Ebera 11:26

E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.

Ebera 11:33

N te onimaki ao a kataei aia kai uea, a kakaraoa nanon te Atua, a reke i rouia baike a atongaki n taeka n akoi, a kaini wiia raian,

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Iakobo 1:2

Tariu, kam na kim'areirei ngkana kam kaitara ma taiani kariri nako,

Iakobo 5:10

Taari, kam na ururingiia burabeti ake a taetae n aran te Uea. A na riki b'a banna ni kakairi n aroia ni kataua te maraki ma ni botum'aka n taotaon nanoia.

1.Betero 4:13

ma ngkai kam buokanib'ai ni marakini Kristo, ao kam na kim'areirei; b'a aonga ni kabatiaki ami kim'areirei ngkana e kaotaki arona ni mimitong.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”