Mataio 4:4 - Te B'aib'ara

⁴ Ao E kaeka ni kangai, “E koreaki ae kangai, ‘E aki maiu te aomata n ti te am'arake, ma e maiu n taeka nako aika oti nako mai wiin te Atua.’ ”

Mataio 4:4 ပူးပေါင်းရင်းမြစ်များ

Te Otinako 16:15

Ao ngke a nooria Iteraera, ao a aki ataia b'a tera, ao a titiraki i bon i rouia, ao a taku, “Tera te b'ai aei?” Ao e taku Moote nako ia, “Bon aei te am'arake ae e a tia te Atua n anganingkami b'a kanami

Te Otinako 16:35

Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai.

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Mataio 15:11

Tiaki te b'ai ae rin nako nanon te wii ae kam'araea te aomata; ma te b'ai ae oti nako man te wii, boni ngaia ae kam'araea te aomata.”

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Mataio 4:7

E taku Iesu nako ina, “E koreaki naba ae kangai, ‘Ko na tai kataa te UEA ae Atuam.’ ”

Mareko 7:20

Ao E taku, “Te b'ai ae oti nako mairoun te aomata, boni ngaia ae kam'araea te aomata.

Ruka 4:12

Ao Iesu E kaeka ni kangai, “E atongaki ae kangai, ‘Ko na aki kataa te Uea ae Atuam!’ ”

Ruka 4:4

Ao Iesu E kaeka ni kangai, “E koreaki ae kangai, ‘E aki maiu te aomata n ti te am'arake.’ ”

Ruka 4:8

Ao Iesu E kaeka ni kangai, “E koreaki ae kangai, ‘Ko na taromauria te Uea ae Atuam, ao ko na toro i Rouna n ti Ngaia!’ ”

Ioane 15:26

“Ma ngkana E roko te Tia Buobuoki, are te Tamnei are Tabu, are N na kanakomaia nakoimi mairoun Tamau, ao E na kakoaua i buku. N na kanakomaia nako imi mairoun te Tama, ao E na taetae i buku.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Ebeto 6:17

Ao kam na uouota naba te barengaru are te maiu, ma ana kabaang te Tamnei, ae ana taeka te Atua.

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.