Mataio 4:24 - Te B'aib'ara

²⁴ E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 4:24 ပူးပေါင်းရင်းမြစ်များ

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

1.Uea 10:1

Ao e ongo te ueanaine are i Tieba tanoatan rongorongon Toromon, ma ngaia ae e nako Ierutarem b'a e na kataia n titiraki aika a matoatoa.

1.Uea 4:31

E wanawana riki nakon Etan are kanoan Etira, ao natin Maora m'aane aika teniman ake Eman, Karekora, ao Tareta. E rikirake n tanoata taekan Toromon n aaba ni kabane ake i rarikin Iuta ao Iteraera.

1.Rongorongo 14:17

Ao man te tai anne, e rikirake n tanoata Tawita, ao te UEA e karikiia botannaomata ni kabaneia b'a a na maakua.

1.Rongorongo 29:2

Ao bon anne bukina are I kabanea iai korakorau ni katauraoi b'aai ni kabane n aron te koora, te tirewa, te buraonti, te biti, te kai, atiibu aika a boobuaka, atiibu aika a bati mataia, ao atiibu ni kabane aika a tamaroa, ao maabora, aika e na kainanoi Toromon ngkana e a waakina karaoan te Tembora.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Mataio 12:22

Ao e uotaki nakon Iesu temanna ae e bae newena ao e mataki i bukina b'a e taniaki n te taimonio. E kamaiua Iesu, ma ngaia are e a kona n taetae, ao e noraba.

Mataio 14:1

Ni boong akekei, ao e ongo rongorongon Iesu Erote are te tia tau-taeka,

Mataio 15:22

Ao noria, e roko te aine temanna ae te I-Kanaan man aaba akekei, ao e takarua ni kangai, “Te Uea, ae Natin Tawita! Ko na nanoangaai! E taniaki natiu te aine iroun te taimonio, ao e a rangi ni karawawataki i rouna.”

Mataio 17:15

“Te Uea, Ko na nanoangaea natiu te mm'aane! b'a iai aorakin ana iango, ao e kainano ni maraki; ni m'aitin te tai ao ai te b'aka naba n te ai, ke i nanon te ran.

Mataio 17:18

Ao E boaa te taimonio Iesu, ao e oti nako te taimonio mai rouna, ao e a maiu naba ngkekei te ataei ni mm'aane.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 8:28

Ao ngke E roko i tanimainikun te nama i abaia I-Katara ao E aitara ma uoman aomata aika oti nako mani nneia maate. A taniaki uaakai irouia taimonio, ao a rangi n unun n te aro ae akea ae kona n rikekei.

Mataio 8:33

A biri nako uake a tararuaia beeki, ao ngke a roko n te kawa, ao a karakini b'aai ni kabane ma b'aai ake a riki nakoia uake a taniaki irouia taimonio.

Mataio 8:6

ao e taku, “Te Uea, e wene n aoraki au toro n au auti. E aki kona ni kakam'akuri, ao e korakora marakina.”

Mataio 9:26

Ao e buta nako rongorongon te baerei i aon te aba arei.

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Mareko 1:28

Ao e buta nako rongorongona nakon taabo nako ake i rarikini Kariraia.

Mareko 1:32

Ngke e a tairiki, ngke e a bungi taai, ao aomata a uotiia ni kabane ake a aoraki ma ake a taniaki irouia taimonio nako Ina.

Mareko 2:3

Ao iai ake a roko, ao a uota nako Ina temanna ae nakibaina, ae tabetabekaki irouia aomata aika aman.

Mareko 2:4

Ao ngke a aki kona ni kaania Iesu b'a a bati aomata, ao a kauka taubukin te auti ike E mena i aana Iesu; ao ngke a tia ni kaukia ao a nna te nne ni wene are e wene iai te nakibaina.

Mareko 2:9

E nga ae kai atongaki riki, te taetae ae kangai nakon te nakibaina, A kab'araki am bure; ke te kangai, Tei rake, tabeka nem ni wene, ao nakonako?

Ruka 2:2

Aei te moa ni wareaomata n ana tai n tautaeka Kurenio i Turia.

Ruka 4:14

Ao E okira Kariraia Iesu ni m'aakan ana kairiri te Tamnei are Tabu, ao e buta nako rongorongona i aoni Kariraia ao n taabo ake i rarikina.

Ruka 4:38

Ao E tei rake Iesu ao E kitana m'aneabaia I-Iutaia, ao E rin n ana auti Timon. E aoraki tinani buun Timon n te kabuebue ae korakora, ao a tuangnga b'a E na buokia.

Ruka 5:15

Ma e a tanoata nako riki rongorongon Iesu; ao a botaki aomata aika m'aiti b'a a na ongora ao a na kamaiuaki man aorakiia.

Ruka 5:24

B'a kam aonga n ataia b'a E konai ni kab'arai buure i aonnaba Natin te Aomata.” E taku nakon te naakibaina, I taku nako im, “Tei rake tabeka nnem ni wene ao nako ni mwengam.”

Ruka 7:17

Ao e buta aon Iutaia ma taabo ake i rarikina n taekana.

Ioane 10:21

A taku tabem'aang i buakon te koraki naba arei, “Taeka aikai bon tiaki ana taeka te aomata ae taniaki iroun te taimonio. E kona te kaure mataia matakii te taimonio?”

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 15:23

A korea te reta b'a uotaia, ae kaangai taekana: Ti anga ara kamauri, ngaira aika taan tuatua ma taari aika unimm'aane, nakoimi ngkami aika taari aika tiaki I-Iutaia i Antioka, i Turia ao i Kirikia.

M'akuri 15:41

Ao e nako B'auro ma Tira, ni kabuta aon Turia ma Kirikia, ao e kakorakoraia ekaretia.

M'akuri 28:9

Ngke e riki arei, ao a roko naba tabem'aang ake a aoraki n te abam'akoro arei, ao a kamaiuaki.

M'akuri 8:7

B'a a oti nako anti aika kam'araa mairouia aomata aika bati ake a taniaki i rouia, ao a takarua irouia aomata aikai n te b'anaa ae korakora; ao a kamaiuaki aomata aika bati, aika a mate b'ain rab'ataia, ma aika m'auku.

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.