Mataio 4:17 - Te B'aib'ara

¹⁷ Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mataio 4:17 ပူးပေါင်းရင်းမြစ်များ

Mataio 10:7

Ao ngkana kam nako, ao aei kanoan ami kab'arab'ara: “E a kan roko Uean te Atua!”

Mataio 11:12

Man ana tai ni m'akuri Ioane ni karokoa ngkai, ao e aki toki n ekakinako Uean te Atua; ao aomata aika iowawa a tia ni kataia n taua ma te matoa.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mataio 13:24

E a manga tuangiia te rongorongo ni kabotau teuana, ao E kangai, Uean te Atua e kona ni kabotauaki ma te aomata are uniki koraa n uita aika raraoi i abana.

Mataio 13:47

Ao manga aio: Uean te Atua ai aron te karaun are kab'akaki i nanon te nama, ao a reke iai ika n aekaia nako;

Mataio 13:9

Ane iai taningana, ao ke e ongo!

Mataio 25:1

N te tai arei, ao Uean te Atua ai aroia tengaun ateiaine, ake a anai aia taura ao a oti nako ni butim'aea teuare te tia iein.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 15:7

I taku nako imi, b'a e na riki naba ae ai aron aei i karawa, ma e na m'aiti riki iai te kim'areirei i bukin te aomata ae buakaka ae ti temanna ae raira nanona, nakon te kim'areirei i bukiia aomata aika raoiroi aika ruangaun ma ruaman aika akea bureia aika riai n rairi nanoia iai.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ruka 3:23

Ngke E moana ana m'akuri Iesu ao tao ai tenibwi ana ririki ni maiu. Bon natin Ioteb'a Ngaia, n aron aia iango aomata are natin Eri,

Ruka 5:32

I aki roko b'a N na weteia akana raoiroi, ma I roko b'a N na weteia akana buakaka b'a a na rairi nanoia.”

Ruka 9:2

Ao E kanakoia b'a a na taetaekina uean te Atua ao a na kamaiuia aoraki.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

Ebera 6:1

Ma ngaia ae ti na aki toki ni baike ti moa n reireiaki iai n taekan Kristo, ma ti na waki rake nakon reirei n ikawai; ao ti na tai manga titiku n taekani baika kam moa n reireiaki iai, ake taekan te rairan nano mani m'akuri aika akea uaaia, ao taekan onimakinan te Atua,