Mataio 3:17 - Te B'aib'ara

¹⁷ ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mataio 3:17 ပူးပေါင်းရင်းမြစ်များ

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 42:21

E kaakaraoa ae e raoiroi n taai nako te UEA, ai ngaia are e tangira ana Tua b'a e na rangi n neboaki.

Nakoaia Ibonga 15:15

Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki. Ao anne ngkanne arona ni karaoa te m'akuri ni kaitiaki i bukin te aomata anne.

Mataio 12:18

“Nora au tia m'akuri ae I rineia, ae tangiraki i Rou, ae I kakatonga i Rouna. N na kaki Tamneiu i aona, ao E na tuangiia botannaomata te kaeti-taeka ae raoiroi.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mareko 1:11

ao e roko te b'anaa mai karawa, ae kangai, “Boni Ngkoe Natiu ae Ko tangiraki i Rou, I kakatonga i Roum.”

Mareko 9:7

Ao e kaoti te nang, ao e b'aka nuuna i aoia. E roko te b'anaa man te nang ae kangai, “Natiu Teuaei, ae tangiraki i Rou; kam na ongo i Rouna!”

Ruka 3:22

ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ruka 9:35

Ao e roko te b'anaa man te nang ae kangai, “Aio Natiu, ae rineaki i Rou. Kam na ongo i Rouna!”

Ioane 5:20

B'a E tangira te Nati te Tama, ao E kaoti ana m'akuri ni kabane nakoina, ao ane E na kaoti riki nakoina m'akuri aika ab'ab'aki riki b'a kam aonga ni mimi.

Ioane 5:37

Ao te Tama are kanakomaiai boni Ngaia naba te Tia Kakoaua i buku. Kam tuai n ongo b'anaana ao n noria b'a aekara tein rab'atana;

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

1.Ioane 5:9

Ngkana ti kakoaua aia kaotioti aomata, ao ti na boni kakoaua ana kaotioti te Atua, b'a e kakannato riki. B'a aio ana kaotioti te Atua: b'a E boni kaotioti i bukin Natina.

Te Kaotioti 14:2

Ao I ongo te b'anaa mai karawa ae ai aroni karongoaani b'aron naao aika bati, ao ai aron rebwen te baa ae korakora; ao kanga ai aron tangin taian aabi aika katangaki irouia taani katang-aabi;