Mataio 28:7 - Te B'aib'ara

⁷ Ao kawaetataingkami n tuangiia ana reirei b'a, ‘E a tia ni manga uti mai buakoia maate; ao noria, are E a ri moami nako Kariraia; ane kam na noria ikekei!. Noria, I a tia n tuangngkami.”

Mataio 28:7 ပူးပေါင်းရင်းမြစ်များ

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:21

“E aera ngkai kam aki ikotaki ma ni kawarai n te kabowi? I bon aki tuangingkami ni boong ake ngkoa te b'ai ae e na riki? Bon ti te Atua Ngai! Akea riki i rarikiu. I karokoa te kaetitaeka ae eti, ao bon iai m'aakau ni kakamaiu.

Mataio 24:25

Noria, I a tia n tuangngkami ngkai a tuai n roko.

Mataio 26:32

Ma ngkana I a manga uti, ao N na nako n rimoami nako Kariraia.”

Mataio 28:10

E taku Iesu nako ia, “Kam na aki maaku! “Kam na nako n tuangiia tariu b'a a na nako Kariraia, ao ane a na norai ikekei.”

Mataio 28:8

Ma ngaia are a kawaetataia n nako man te nne ni mate ma te maaku ao te kukurei ae bati, ao a biri nako n tuangiia ana reirei.

Mareko 14:28

Ma ngkana I a manga uti, ao I a ri moami nako Kariraia.”

Mareko 16:10

E nako neiei ao E tuangiia uake raon Iesu, ngke a nanokawaki ma n tang.

Mareko 16:13

A oki uakekei, ao a tuangiia reirei ake raoia, ma a aki kakoauai.

Ruka 24:34

ao a kangai, “E a bon tia ni manga uti te Uea, ao E a tia ni kaoti nakon Timon!”

Ioane 14:29

Ao ngkai, I a tia n tuangngkami te baerei i m'ain rikina; b'a ngkana e riki, ao kam na kakoauaa.

Ioane 16:4

Ma I atongi baikai nakoimi b'a ngkana e roko te aoa are a karaoi iai baikai nakoimi aomata, ao kam na uringnga b'a I a kaman taekin nakoimi.

1.I-Korinto 15:4

E taunaki, ao E a manga uti n te katenibong n ai aron taekana n te B'aib'ara;

1.I-Korinto 15:6

Ao rimwi, E noraki irouia taari aika nimabubua tabun n te tai ae ti teuana; ao m'aitin te koraki aei a boni maiu naba ngkai, ma iai tabem'aang ake a tia ni mate.