Mataio 28:6 - Te B'aib'ara

⁶ Akea ikai, b'a E a tia ni manga uti, n ai aron are E a tia n taku. Nako mai, nora te tabo are E wene iai.

Mataio 28:6 ပူးပေါင်းရင်းမြစ်များ

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 17:23

ao ane a na kamatea, ao E na manga kautaki n te katenibong.” Ao a rangi n nanokawaki ana reirei.

Mataio 17:9

Ngke a tabe n ruo rikaaki mai aon te maunga, ao E kamatoa ana taeka Iesu nako ia ni kangai, “Akea temanna ae kam na tuangnga taekan te baere kam a tia n noria, ni karokoa E a manga kamaiuaki Natin te Aomata mai buakoia maate.”

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mareko 16:6

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Mareko 8:31

Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Ruka 24:12

Ma e tei rake Betero, ao e biri nakon te nne ni mate. Ngke e b'atiku n taraa nanona, ao e noori kunnikai ake a mainaina ni wene n ti ngaiia; ao e oki n okira mwengana n iangoa te baere e a tia n riki.

Ruka 24:23

ma a aki kunea rab'atan Iesu, ao a oki ma aia rongorongo ae a noriia anera, ake a taku b'a E maiu Teuarei.

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 10:17

Ma ngaia ae E tangirai te Tama i bukina ngkai I anga nanou b'a N na mate, b'a I aonga ni manga uti.

Ioane 2:19

E kaekaia Iesu ao E taku, “Kam na urua te Tembora aei, ao N na manga kateia n ti tenibong.”

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.