Mataio 28:5 - Te B'aib'ara

⁵ Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Mataio 28:5 ပူးပေါင်းရင်းမြစ်များ

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Mataio 14:27

Ma E waekoa Iesu n taetae nako ia, ao E taku, “Kam na karau nanomi, boni Ngai; tai maaku!”

Mataio 28:10

E taku Iesu nako ia, “Kam na aki maaku! “Kam na nako n tuangiia tariu b'a a na nako Kariraia, ao ane a na norai ikekei.”

Mataio 28:4

A rurubenebene tautia ake a tantani b'a a maaku, ao a riki b'a kaanga ai aroia maate.

Mareko 16:6

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Ruka 1:30

E taku te anera nako ina, “Tai maaku, b'a E a reke i roum te akoaki mairoun te Atua.

Ruka 24:5

Ao a kabaraakii mataia b'a a maaku, ao a taku mm'aane akekei nako ia, “E aera ngkai kam ukoukora temanna ae maiu maibuakoia maate?

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?