Mataio 28:16 - Te B'aib'ara

¹⁶ A nako Kariraia ana reirei Iesu ake tengauni ma temanna nakon te maunga are E a tia n tuangiia Iesu b'a a na nako iai.

Mataio 28:16 ပူးပေါင်းရင်းမြစ်များ

Mataio 26:32

Ma ngkana I a manga uti, ao N na nako n rimoami nako Kariraia.”

Mataio 28:10

E taku Iesu nako ia, “Kam na aki maaku! “Kam na nako n tuangiia tariu b'a a na nako Kariraia, ao ane a na norai ikekei.”

Mataio 28:7

Ao kawaetataingkami n tuangiia ana reirei b'a, ‘E a tia ni manga uti mai buakoia maate; ao noria, are E a ri moami nako Kariraia; ane kam na noria ikekei!. Noria, I a tia n tuangngkami.”

Mareko 14:28

Ma ngkana I a manga uti, ao I a ri moami nako Kariraia.”

Mareko 15:41

are irira Iesu ngke E mena i Kariraia, ao e buobuokia naba; ao raoia naba aine aika bati ake a airi ma Iesu nako Ierutarem.

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Mareko 16:7

Ma kam na nako, ao tuangiia ana reirei ma Betero naba b'a ae E ri moami nako Kariraia; ane kam na noria ikekei, n aron are E a tia n tuangngkami.

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

1.I-Korinto 15:15

Ti na ataaki naba iai b'a ti kewe n ara kaotioti i bukin te Atua, ngke ti kaotiotia b'a Ngaia ae manga kamaiua Kristo man te mate; ma ngkana e koaua b'a a aki manga kamaiuaki maate, ao nanona b'a E bon aki manga kamaiua Kristo.