Mataio 27:66 - Te B'aib'ara

⁶⁶ Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Mataio 27:66 ပူးပေါင်းရင်းမြစ်များ

Taniera 6:17

Ao e kainaki matan te b'angab'anga arei n te atiibu, ao e kanim'a ana kanikina ma ana aomata aika a kakannato i aon te atiibu arei, n te aro b'a akea temanna ae e na kamaiua Taniera.

Mataio 27:60

ao e kawenea n ana nne ni mate ae boou, ae e ekea i nanon te b'a; ao e karabinoa te atibu ae rangi ni buubura ni kaki i matan te nne ni mate, ao e nako.

Mataio 27:65

E taku Birato nako ia, “Kaira te tautia, ao kam na nako n taraia b'a e teiakinaki raoi rarikin te nne ni mate n aron ae kam kona.”

Mataio 28:11

Ngke a m'ananga nako, ao noria, iai tautia tabem'aang mai buakoia taan tantani ake a nako n te kawa ao a tuangiia ibonga ake mataniwi taekani b'aai ni kabane ake a tia n riki.

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Mareko 16:4

Ao ngke a taraia, ao a noria b'a e a kaman tia ni karabinoaki nako te atibu; b'a e rangi ni buubura te atibu arei.

Ioane 20:1

Ngke e a kani ngaina, ngke e roo, n te bong ae moa ni bongin te wiiki, ao e roko n te ne ni mate Nei Maria are te I-M'aketara, ao e nora te atibu b'a e a tia ni kanakoaki mai matan te ne ni mate.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Iotua 10:18

Ao e taku Iotua, “Karabinoi atiibu aika a korakora ni bonota matan te b'angani matang ao katikuia tabeman tautia b'a a na teiakiniia.