Mataio 27:63 - Te B'aib'ara

⁶³ ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mataio 27:63 ပူးပေါင်းရင်းမြစ်များ

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 17:23

ao ane a na kamatea, ao E na manga kautaki n te katenibong.” Ao a rangi n nanokawaki ana reirei.

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 26:61

ao a taku, “E taku Teuaei, ‘I kona n urua ana um'antabu te Atua, ao ni kateia i nanon tenibong.’ ”

Mataio 27:64

Ma ngaia ae ko na tua b'a e na tararuaki raoi te nne ni mate ni karokoa te katenibong, b'a a kawa n roko ana reirei n iraea, ma ni kangai nakoia aomata: E a manga uti mai buakoia maate; ao ane na buakaka riki te aro ni bureburea te aba aei nakon are mai m'aina.”

Mataio 28:6

Akea ikai, b'a E a tia ni manga uti, n ai aron are E a tia n taku. Nako mai, nora te tabo are E wene iai.

Mareko 10:34

ake a na kaenaena, ao a na bawareia, ao a na kataerea, ao a na kamatea; ma i mwin tenibong ao E na manga uti.”

Mareko 8:31

Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Mareko 9:31

i bukina b'a E reireiia ana reirei n taeka aika kangai: “E nang kam'aneaki Natin te Aomata nako nanoni baiia aomata, ao a na tiringnga; ao ngkana E mate, ao E na manga uti i mwin tenibong.”

Ruka 18:31

Ao E botiia ni kaokoroia ana reirei ake tengauni ma uoman Iesu, ao E taku nako ia: Noria, ae ti nangi nako Ierutarem, ao b'aai ni kabane ake a koreaki b'a taekan Natin te Aomata irouia burabeti, a nang kakoroaki nanoia.

Ruka 18:33

Ane a na kataerea ao a na kamatea, ao E na manga uti n ana katenibong.

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ruka 9:22

Ao E a manga taku riki Iesu nako ia, “E riai Natin te Aomata b'a E na karawawataaki ao b'a E na ribaaki irouia unimm'aane, ao irouia ibonga ake a kakannato, ma taani koroboki, ao b'a E na kamateaki, ao E na manga uti n te katenibong.”

Ioane 2:19

E kaekaia Iesu ao E taku, “Kam na urua te Tembora aei, ao N na manga kateia n ti tenibong.”

Ioane 7:12

E bati te maningongoo irouia aomata i bukina. A taku tem'angina, “Te aomata Ngaia ae e raoiroi,” ao tem'angina a taku, “Tiaki; bon te tia burebureia aomata.”

Ioane 7:47

A taku ngkanne B'aritaio nakoia, “Ao ngkami, kam m'am'anaki naba i rouna?

2.I-Korinto 6:8

Ti karineaki ao ti kamamaaeaki, ti uaraoaki ao ti kamoamoaki. Ti atongaki b'a tani bureburea te aba, ma bon taan taekina te koaua ngaira;