Mataio 27:60 - Te B'aib'ara

⁶⁰ ao e kawenea n ana nne ni mate ae boou, ae e ekea i nanon te b'a; ao e karabinoa te atibu ae rangi ni buubura ni kaki i matan te nne ni mate, ao e nako.

Mataio 27:60 ပူးပေါင်းရင်းမြစ်များ

Karikani B'aai 50:5

I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

Itaia 22:16

Tebena, antai ae e anganiko te kariaiakaki b'a ko na karaoa am ruani mate ni b'aan rarikin te tabuki ae a na tabo te uea? Bon akea temanna am utu ae e taunaki ikai.

Itaia 53:9

E raoiroi ao e nimaamannei, ma e taunaki n ruanimateia aika a iowawa ao a kaub'ai.

Mataio 27:59

Ao Ioteb'a e anaa rab'atan Iesu, ao e niria n te kunnikai ae itiaki,

Mataio 27:66

Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Ruka 24:2

Ao a nora te atibu b'a e karabinoaki nako man te nne ni mate;

Ioane 11:38

Ma ngaia are, e a manga rotaki naba nanon Iesu, ao E nako n te ne ni mate, ae te b'angani matang, ae bonotaki matana n te atibu.

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

Ioane 19:41

Ao bon iai te ne n aroka n te tabo are E tauraki iai Iesu n te kaibangaki; ao i nanon te ne n aroka, bon iai te ne ni mate ae boou, ae e tuai ni kaweneaki te mate iai.

Ioane 20:1

Ngke e a kani ngaina, ngke e roo, n te bong ae moa ni bongin te wiiki, ao e roko n te ne ni mate Nei Maria are te I-M'aketara, ao e nora te atibu b'a e a tia ni kanakoaki mai matan te ne ni mate.