Mataio 27:52 - Te B'aib'ara

⁵² a kaukaki nneia maate, ao a m'aiti aomata aika raoiroi ake a tia ni matu aika manga kamaiuaki.

Mataio 27:52 ပူးပေါင်းရင်းမြစ်များ

2.Uea 13:21

N te tai teuana ngke a tabe n tauni aia mate Iteraera, ao a nooria te koraki n aomata aika kaain Moaaba. A kawaekoaia Iteraera akekei n tewenakoa rab'atan aia mate nako nanon ruanimaten Eritai ao a biri nako. Ao ni bon te tai naba are e bo iai rab'atan te m'aane arei ma riin Eritai, ao e a maiu naba te aomata arei, ao e teirake.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Ioane 11:11

Ngke E a tia n atongi baikai, ao E a manga taku riki, “E matu raraora ae Rataro, ma N na nako ni kautia.”

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

1.I-Korinto 11:30

Ao anne bukin ae a bati iai i buakomi aika mamara ma aika aki konab'ai, ao a tia ni mate tabem'aang.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

1.I-Korinto 15:51

Noria, I tuangngkami te b'ai ae raba: Ane ti na aki bane ni mate, ma ti na bane n onikaki,

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

1.I-Tetaronike 5:10

are mate i bukira, b'a ti na uaia ni maiu ma Ngaia ngkana tao ti maiu ke ti mate.