Mataio 27:51 - Te B'aib'ara

⁵¹ Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

Mataio 27:51 ပူးပေါင်းရင်းမြစ်များ

2.Rongorongo 3:14

E karaoaki te roki man te rinen ae e raoiroi are e rarangaaki ma te karai ae e buru, beebo, ao e uraura, ao e katamaroaaki aona n taamnein baika a maiu ake iai baiia ni kiba.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 18:7

Ao e m'aeiei ma n ruru aonnaba; Ao a ingiing ni m'aeiei naba aani maunga, i bukin unin te Atua.

Te Otinako 40:21

Ao i mwiina, e a karina te Ati i nanon te Um'antabunrianna, ao e katikaarake te keeten ni kainna. Ao anne arona ni kaina te Atiniberita, n aron are E a tia ni baaireia te UEA.

Itaia 25:7

E na kamaunaa nako taiani kunnikai ni mate are a rabunaki iai botannaomata.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Nakoaia Ibonga 21:23

ma a aki kona n rin n te tabo are e tabu ke ni karaoi m'akuri nako Iu i aon te baonikarea. Uringnga b'a boni Ngai te UEA are I katabuia ibonga.

Ab'akuka 3:10

A na ruru maunga ngkana a nooriko, ao a na b'aro rikaaki raan mai karawa, ao raan ake i aan te aba, a na rurunga, ao a na tei naoia aika a rietaata.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Warekaia Iteraera 4:5

Ngkana a tauraoi nakon kab'aranakoan aia auti n rianna Iteraera, ao a na rin i nanon te Um'antabunrianna Aaron ma natina mm'aane, ao a na kab'ara te roki are i matan te Ati ni Berita, ao a na rabuna iai te Ati ni Berita,

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Mareko 15:38

Ao e raeuaki mai eta nako nano te kunnikai are te roki are tine n te um'antabu.

Ruka 23:45

E a mauna ootana. Ao e raeuaki te kunnikai are rokin te um'antabu nakoni m'akoro aika uoua.

Ruka 23:47

Ao mataniwin te taanga ni buaka are tebubua kaaina, ngke e nora te baere riki, ao e karaoiroa te Atua, ni kangai, “Bon te aomata ae akea ana bure Teuaei!”

Ebera 6:19

Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

Ebera 9:3

Ao i akuun te roki are te kauoua bon te ruu ae aranaki b'a te tabo ae moanibaan te tabu;

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.