Mataio 27:15 - Te B'aib'ara

¹⁵ E tataneiai te tia tau-taeka ni katoa tain te Toa are te Riao ni kainaomata te bure temanna are a tangiria.

Mataio 27:15 ပူးပေါင်းရင်းမြစ်များ

Mataio 26:5

Ao a kangai, “Tiaki ni bongin te Toa, b'a a kawa ni kiriwe aomata.”

Mataio 27:16

N te tai anne ao iai te bure temanna ae bati n atoatongaki ae arana B'arab'a.

Ruka 23:16

Ma ngaia ae N na kataerea ao N na kainaomata.”

Ruka 23:17

E riai irouni Birato ni katoa tain te Toa are te Riao b'a e na kainaomata temanna te bure n ai aron are a tangiria I-Iutaia.

Ruka 23:18

Ao a bane n takaarua ni kangai, “Kamatea Teuaei! Ao ti tangira B'arab'a b'a e na kainaomataki!”

Ioane 18:16

ma Betero, e tei i tinaniku i rarikin te mataroa. Ma ngaia are, e oti nako te reirei are temanna, are kinaaki iroun aia mataniwi ibonga, ao e taetae nakon neiere tantani i rarikin te mataroa, ao i mwina e kaira Betero n rin ma ngaia.

Ioane 19:16

Ma ngaia are, e a anganiia ngkanne Birato b'a E na kamateaki n te kaibangaki. E a kairaki nako ngkanne Iesu irouia tautia.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 25:9

E kan tangiraki Beteto irouia I-Iutaia, ma ngaia are e taku nakoni B'auro, “Ko kan nako Ierutarem b'a N na motika taekam iai i bukini bukinam aikai?”