Mataio 26:65 - Te B'aib'ara

⁶⁵ Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!

Mataio 26:65 ပူးပေါင်းရင်းမြစ်များ

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Nakoaia Ibonga 21:20

ngkana te m'aane ae e mori nuukana, ke tao e rangi n uangingi rab'atana, ao ke tao e a tia n uruaki maangena.

Warekaia Iteraera 14:6

Ao a raeuai kunnikaia Iotua ma Kareb'a i bukin rawawatan nanoia

Mataio 9:3

Ao noria, a taku i nanoia taani koroboki tabem'aang, “E taetae ni bakanatua Teuaei!”

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ioane 10:33

A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

M'akuri 14:14

Ngke a ongo taan tuatua ake B'arenaba ma B'auro taekani baike a nang karaoi aomata, ao a raei kunnikaia, ao a biribiri i buakoia aomata n tatakarua,