Mataio 26:58 - Te B'aib'ara

⁵⁸ Ma e ririmwin Iesu Betero n taua raroana ni karokoa te tabo are e aki bono aona i nukan ana auti mataniwiia ibonga, ao e rin n tekateka ma bureitiman b'a e na noria b'a tera ae na riki n tokina.

Mataio 26:58 ပူးပေါင်းရင်းမြစ်များ

Mataio 26:3

N te tai naba anne, ao a botaki ibonga ake mataniwi ma aia unimm'aane aomata i nukan ana auti mataniwiia ibonga are arana Kaiaba, n te tabo are aki bono aona,

Mataio 5:25

Ko na bareiko n raoiakina te aomata are na uota taekam nakon te kabowi n te tai are ko mena iai ma ngaia i aoni kawaimi nakon te kabowi, b'a e kawa n anga ngkoe nakon te tia motikitaeka, ao e kawa te tia motikitaeka n anga ngkoe nakon te bureitiman, ao ko kawa ni kakiaki i nanon te karabuuti.

Ruka 22:54

Ao a taua ngkanne Iesu, ao a kairia nako, ni karokoa n ana auti mataniwiia ibonga. E ririmwi Betero n taua raroana.

Ioane 18:25

E tabe n teitei Timon Betero n aangnga. A taku ngkanne nakoina tabeman ake a mena i rarikina, “Tiaki boni ngkoe naba ana reirei temanna?” E rawa Betero n taekana aei, ma ngaia are e taku, “Tiaki ngai.”

Ioane 19:6

Ngke a noria ngkanne ibonga ake mataniwi ma bureitimanin te Tembora, ao a takarua ni kaangai, “Kamatea n te kaibangaki, kamatea n te kaibangaki.” E taku Birato nakoia, “Anaia ngkami, ao kamatea n te kaibangaki, b'a akea ana bure ae I kunea.”

Ioane 7:32

A ongo taekan Iesu aikai B'aritaio n aia wirikiriki aomata, ma ngaia are i mwin reken aia iango ma ibonga ake mataniwi, ao a kanakoia bureitimanin te Tembora b'a a na taua Iesu ni kaburea.

Ioane 7:45

A oki bureitimanin te Tembora nakoia ibonga ake mataniwi ma B'aritaio; ao ngaiia a taku nakoia bureitimanin te Tembora, “Kam aera ngkai kam aki kairiia mai?”

M'akuri 5:22

Ma ngke a roko bureitimanin te Tembora n te karabuuti, ao a aki nooriia uakekei iai; ma ngaia are ngke a oki, ao a tuangiia ni kaangai,

M'akuri 5:26

E nako ngkanne aia mataniwi bureitimanin te Tembora ma raona ake bureitiman naba, ao a kairiia taan tuatua n aki tauia ma te matoa, b'a a makuia aomata, b'a a kaawa ni karebanaki.