Mataio 26:48 - Te B'aib'ara

⁴⁸ A tia n anganaki te kanikina mairoun teuare na kam'anea Iesu, ae te kanikina ae kangai, “Te aomata ae I kiitinna ao boni Ngaia. Kam na taua!”

Mataio 26:48 ပူးပေါင်းရင်းမြစ်များ

2.Tamuera 3:27

Ao ngke e roko Abenera i Eberon, ao e a bakaaea te kan maroroo teuare Ioaba ma ngaia ni karaba. Ma ngaia are, e kaira Abenera nakon te ru teuana ae e uarereke ake bon m'akoron naba mataroan te kaawa ao e ewara birotona. E tiringnga Ioaba i bukina ngke e a tia Abenera n tiringa tarina are Ataera.

Taian Areru 28:3

Tai uakinai nako ma akana iowawa, akana taetae ni wii-raraoi nakoia raoia, ma ribakiia ae raba i nanoia.

Mataio 26:47

Ngke E tabe n taetae Iesu, ao e roko Iuta, are temanna i buakoia uake tengauni ma uoman. E airi ma te koraki ae bati ake a uoti kabaang ma kaai n oro. A kam'anangaaki irouia ibonga ake mataniwi ma unimm'aane.

Mataio 26:49

Ao e nako n Iesu ngkekei naba, ao e taku, “Te Tia Reirei, Ko na mauri,” ao e kiitinna.

Mareko 14:44

Ao teuare nang kam'anea Iesu, e a tia n angania aomata te kanikina, ngke e kangai, “Ane N na kiitinna ao boni Ngaia; kam na taua, ao kairia nako n tararuaia raoi.”