Mataio 26:39 - Te B'aib'ara

³⁹ Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:39 ပူးပေါင်းရင်းမြစ်များ

Karikani B'aai 17:3

Ao e bobaraaki Aberam, ao e kabooa matana ma aontano, ao E taku te Atua,

2.Tamuera 15:26

Ma ngkana arona b'a E taku b'a E a aki kukurei irou, ao ke E karaoa ane E taku b'a te kabanea n tamaroa.

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Itaia 50:5

E karaoai b'a N na kakauongo ma n aki mangao ke ni biri nako.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Warekaia Iteraera 14:5

Ao e bobaraaki Moote n tataro i mataia aomata.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Mareko 13:22

Ane a na kaoti kristo ni kewe ao burabeti ni kewe, ao a na kaoti kanikina ma b'aai ni kamimii, b'a a na burebureia ake a rineaki, ngkana a kona.

Ruka 17:16

ao e b'aka ni bobaraaki i rarikini waen Iesu, ao e anganna taeka ni kaitau. Bon te I-Taamaria ngaia.

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

Ioane 5:19

E kaekaia Iesu ngkanne ao E taku nakoia, “I tuangngkami ma te koaua, b'a akea te b'ai ae E kona ni karaoia te Nati i bon i rouna, ma ti are E noria b'a E karaoia te Tama; b'a b'aai ake E karaoi te Tama, ao E karaoi naba te Nati.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

M'akuri 10:25

Ma ngaia are, ngke e nangi rin Betero, ao e butim'aia Korenerio ni b'aka i rarikini waena, ao e bobaraaki ni kaota karineana ae moan te bati.

I-Biribi 2:8

E kananorinanoa i bon i rouna, ao E ongeaba ni karokoa te mate, are te mate n te kaibangaki.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”