Mataio 26:24 - Te B'aib'ara

²⁴ E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mataio 26:24 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Taian Areru 55:15

A bia mate akana ribaai i m'ain aia tai; A bia ruo, ngkai a maiu, nakon te ruanimate! E mena te buakaka ni mwengaia ao i nanoia.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 18:7

E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Mataio 26:31

Ao E taku Iesu nako ia, “I bukin te bae na riki nako Iu n te tairiki aei, ao ane na bua onimakinakiu i roumi, b'a e koreaki ae kangai, ‘N na tiringa te Tia Kawakin-tiibu, ao ane a na bane n uamaae tiibu.’

Mataio 26:54

Ao e na kanga ngkanne ni kakoauaki te B'aib'ara are taku b'a e riai b'a a na roko baikai?”

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Mareko 14:21

Ane E na mate Natin te Aomata n ai aron taekana n te B'aib'ara; ma e na reke kain te aomata ae kam'aneaki Natin te Aomata i rouna! E raoiroi riki iroun te aomata anne ngke e aki bungiaki.”

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 22:22

B'a E na waki nako Natin te Aomata nakoni kawaina are katauana; ma e na reke kain te aomata are E kam'aneaki i rouna!”

Ruka 24:46

ao E taku nako ia, “E koreaki ae kangai, b'a e riai b'a E na karawawataki ni kamateaki te Kristo, ao E na manga uti mai buakoia maate n te katenibong;

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

Ioane 19:24

A i taetae ngkanne i rouia ao a taku, “Ti na aki urua n tib'aia, ma ti na kaiwaia n noria b'a antai ae na b'ainna iroura.” E riki aei b'a e na kakoroaki bukin are taekinaki n te B'aib'ara are kaangai: “A tib'ai kunnikaiu i buakoia, ao a kaiwa ninirau.” Ao aei ngkanne te baere a karaoia tautia.

Ioane 19:28

I mwin aei, ngke E ataia Iesu b'a a tia b'aai ni kabane, ao b'a e aonga ni kakoroaki bukin te taeka are koreaki n te B'aib'ara, ao E taku, “I taka.”

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

1.I-Korinto 15:3

B'a I moa n anganingkami i buakoni baika kakannato te baere I anganaki naba: b'a E mate Kristo i bukin ara bure n ai aron taekana n te B'aib'ara;