Mataio 26:14 - Te B'aib'ara

¹⁴ Ao temanna i buakoia uake tengauni ma uoman, ae arana Iuta Itekariota, e nako ni kawariia ibonga ake mataniwi,

Mataio 26:14 ပူးပေါင်းရင်းမြစ်များ

Mataio 10:4

ao Timon are te Kananaian, ao Iuta are aranaki b'a Itekariota, are kam'anea Iesu.

Mataio 26:25

Ao Iuta, are e a tia n anga nanona b'a e na kam'anea Iesu, e taku, “Te Tia Reirei, ngai?” E kaeka Iesu ao E taku, “Ngaia ane ko taku!”

Mataio 26:47

Ngke E tabe n taetae Iesu, ao e roko Iuta, are temanna i buakoia uake tengauni ma uoman. E airi ma te koraki ae bati ake a uoti kabaang ma kaai n oro. A kam'anangaaki irouia ibonga ake mataniwi ma unimm'aane.

Mataio 27:3

Ao Iuta, are kam'anea Iesu, ngke e noria b'a E kabuakakaki Iesu ao b'a E na kamateaki, ao e rotaki n te nanokawaki i bukin te baere e a tia ni karaoia. E uoti m'ane ake tirewa ake tenibwi ao e kaoki nakoia ibonga ake mataniwi ma unimm'aane;

Ioane 12:4

E taku Iuta Itekariota, are temanna i buakoia ana reirei, are nang kam'anea Iesu,

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

Ioane 13:26

E kaeka Iesu ao E taku, “N na kateboa te m'akoro ni kariki ao N na anganna; boni ngaia teuanne.” Ma ngaia are, ngke E a tia Iesu ni kateboa te m'akoro ni kariki, ao E anaia, ao E angan Iuta, are natin Timon Itekariota.

Ioane 13:30

Ma ngaia aei, b'a ngke e reke iroun Iuta te m'akoro ni kariki, ao e a oti nako naba; ao e a bong.

Ioane 18:2

E ata te tabo arei Iuta, are kam'anea Iesu, b'a E roroko iai Iesu ma ana reirei.

M'akuri 1:16

“Mm'aane, taari, e riai kakoroan nanon te taeka are n te B'aib'ara are E atongnga ngkoa te Tamnei are Raoiroi ni wiin Tawita, are taekan Iuta, are kairiia ake a taua Iesu.

M'akuri 1:18

E kaboa te aba teuana Iuta n te m'ane are e karekea i bukin ana m'akuri are buakaka. Ngke e b'aka n unika atuna ao e tabwena rab'atana mai nuuka, ao a nna nako kanoan nanona.