Mataio 25:36 - Te B'aib'ara

³⁶ akea kunnikaiu, ao kam karekea kunnikaiu; I aoraki, ao kam kawarai; I mena i nanon te karabuuti, ao kam kawarai.”

Mataio 25:36 ပူးပေါင်းရင်းမြစ်များ

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Etekiera 18:16

E aki konaa ni burebureia aomata ke ni kimoa temanna ao e aki tangira te b'ai ni kakoaua i bukin te roun. E angaanga te kunnikai nakoia aika a maiu ni kainano

Etekiera 18:7

E aki konaa ni burebureia aomata ke ni kimoa ana b'ai temanna ao e aki toki ni kaakaokii b'aai ake a katukaki i rouna b'a taiani b'ai ni kakoaua i bukin te roun; e angaanga taiani kunnikai nakoia aika a maiu ni kainano

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Mataio 25:37

Ao ane a na kaeka ngkanne ake a raoiroi ni kangai, “Te Uea, ti noriko n ningai ngke Ko baki ao ti kaam'arakeko, ao ngke Ko kani mooi ao ti anganiko nimam?

Mataio 25:43

Te iruwa Ngai, ao kam aki akoai; akea kunnikaiu, ao kam aki karekea kunnikaiu; I aoraki ao I mena i nanon te karabuuti, ao kam aki kawarai.”

Ruka 3:11

E kaekaia ni kangai, “Ane iai i rouna uoua ana kabaraki, ao ke e anga teuana nakon ane akea ana kabaraki; ao ane iai kanana, ao ke e karaoa naba are e karaoia teuare uoua ana kabaraki.”

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.