Mataio 25:35 - Te B'aib'ara

³⁵ b'a I baki ao kam anganai kanau; I taka ni kani mooi, ao kam anganai te moi; te iruwa Ngai, ao kam akoai;

Mataio 25:35 ပူးပေါင်းရင်းမြစ်များ

1.Uea 17:11

Ao ngke e nang nako neierei n anaia, ao e a manga taku riki, Ao ko taiaoka naba ni uota kanau te kariki?

Iobi 31:32

I kakamotirawaia taani m'ananga n au auti, ao I aki kariaia b'a a na matu n aki akaaka.

Taeka n Rabakau 14:21

Bon te kaairua ae kam na ribaia tabem'aang, ma e kakab'aiaia aomata nako te Atua akana a akoi nakoia aika a maiu ni kainano.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 22:9

E kakab'aiaia aomata nako te UEA akana a anga te am'arake n akea boona nakoia aomata aika a maiu ni kainano.

Taeka n Rabakau 25:21

Anganiia kanaia am kairiribai, ngkana a baki. Anganiia nimaia ngkana a taka.

Etekiera 18:16

E aki konaa ni burebureia aomata ke ni kimoa temanna ao e aki tangira te b'ai ni kakoaua i bukin te roun. E angaanga te kunnikai nakoia aika a maiu ni kainano

Etekiera 18:7

E aki konaa ni burebureia aomata ke ni kimoa ana b'ai temanna ao e aki toki ni kaakaokii b'aai ake a katukaki i rouna b'a taiani b'ai ni kakoaua i bukin te roun; e angaanga taiani kunnikai nakoia aika a maiu ni kainano

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 26:11

B'a a aki toki ni mena i rarikimi aomata aika aki kaub'ai, ma e a bon tai toki memenau i roumi.

Mareko 14:7

B'a a bon aki toki ni mena i rarikimi aomata aika aki kaub'ai, ao ngkana kam kani karaoa ae raoiroi nako ia ao kam kona; ma N na aki mena i roumi n taai nako.

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ioane 13:29

Ma a taku n aia iango tabem'aang i buakoia ana reirei, b'a ngkae e mena iroun Iuta nen te m'ane, ao e a tuangaki iroun Iesu b'a e na kabo baike a kainanoi i bukin te Toa, ke e na angania akana aki kaub'ai te b'ai teuana.

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

M'akuri 16:15

E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Rom 12:20

Ma kam na karaoa are taekinaki ni kaangai: “Ngkana e kan am'arake te tia ribaiko, ao kaam'arakea; ao ngkana e kani moi, ao kamoiia; b'a ngkana arom anne, ao ai aron ae ko ikoikoti m'akaron te ai i aon atuna iai.”

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.