Mataio 25:24 - Te B'aib'ara

²⁴ Ao e roko teuare anganaki teuana te tarena, ao e taku, “Te toka, I ataiko b'a te aomata ngkoe ae ko matoatoa: ko boboti uaa n taabo ake ko aki ununiki iai, ao ko ikoikoti ike ko aki kamrara iai koraa;

Mataio 25:24 ပူးပေါင်းရင်းမြစ်များ

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Mataio 18:24

Ngke e moana ana kaeti-b'ai, ao e kairaki nako ina temanna ae riai b'a e na anganna 50 te mirion te m'ane ae te tirewa.

Mataio 20:12

Ao a taku, “A m'akuri uake a roko rimwi i nanon ti teuana te aoa, ao ko kabooia ni kaboraoiia ma ngaira, aika ti uota rawawatan te m'akuri i nanon te bong ae b'anin i aani korakorani kabuebuen te riringa!”

Mataio 25:25

ma ngaia are I maaku, ao I nako ni karaba am tarena i aantano. Noria, ao aei am b'ai!”

Mataio 25:26

Ma e kaeka ana toka ao e taku nako ina, “Te toro ae ko buakaka, ae ko taningaroti! Ko ataai b'a I boboti uaa n taabo ake I aki ununiki iai, ao I ikoikoti ike I aki kamrarai iai koraa.

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Ruka 15:29

Ma e kaekaa tamana ni kangai, “Noria, I m'am'akuri i roum b'a kanga te toro ngai i nanon ririki aika bati ni karokoa ngkai, ao I tuai ma n ri aon am tua; ao ko tuai n anganai te kao te teei, b'a N am'arake ni kim'areirei ma raou nako.

Ruka 19:13

Ma i m'aini m'anangana, ao e weteia ana toro ake tengaun, ao e anganiia aia m'ane tabeua. Ao e taku nako ia, “Kam na kabonganaa ni manga karekea riki te m'ane ni karokoa okiu.”

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”