Mataio 25:20 - Te B'aib'ara

²⁰ Ao e roko teuare anganaki nimaua te tarena, ao e uoti riki nimaua te tarena, ao e taku, “Te toka, ko anganai nimaua te tarena; noria, aikai nimaua riki te tarena aika I a tia ni karekei.”

Mataio 25:20 ပူးပေါင်းရင်းမြစ်များ

Mataio 18:24

Ngke e moana ana kaeti-b'ai, ao e kairaki nako ina temanna ae riai b'a e na anganna 50 te mirion te m'ane ae te tirewa.

Ruka 19:13

Ma i m'aini m'anangana, ao e weteia ana toro ake tengaun, ao e anganiia aia m'ane tabeua. Ao e taku nako ia, “Kam na kabonganaa ni manga karekea riki te m'ane ni karokoa okiu.”

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

Iakobo 2:18

Ma ane e na kaangai temanna, Iai am onimaki, ao ngai iai au m'akuri, “Ko na kaota am onimaki nako iu ae e aki noraki koauana n am m'akuri.” Ao ngai au kaeka e kaangai, “Ko na kaota am onimaki nako iu, ngkai akea am m'akuri, ao ngai I a kaota au onimaki nako im n au m'akuri.”